ഇന്ത്യന്‍ അംബാസഡര്‍ വൈദ്യുതി-ജല  മന്ത്രിയുമായി കൂടിക്കാഴ്ച നടത്തി 

മനാമ: ഇന്ത്യന്‍ അംബാസഡര്‍ അലോക് കുമാര്‍ സിന്‍ഹ വൈദ്യുതി-ജല മന്ത്രി ഡോ. അബ്ദുല്‍ ഹുസൈന്‍ ബിന്‍ അലി മിര്‍സയുമായി കൂടിക്കാഴ്ച നടത്തി. ഇരുരാജ്യങ്ങളും തമ്മില്‍ വിവിധ മേഖലകളില്‍ തുടര്‍ന്നുവരുന്ന ബന്ധവും സഹകരണവും അനുസ്മരിച്ച മന്ത്രി വൈദ്യുതി-ഊര്‍ജ മേഖലയില്‍ സഹകരണം മെച്ചപ്പെടുത്താന്‍ സന്നദ്ധമാണെന്ന് വ്യക്തമാക്കി. ഈ രംഗത്ത് ബഹ്റൈന്‍ നടപ്പാക്കിയ പദ്ധതികള്‍ മന്ത്രി വിശദീകരിച്ചു. രാജാവ് ഹമദ് ബിന്‍ ഈസ ആല്‍ഖലീഫയുടെ നേതൃത്വത്തില്‍ ബഹ്റൈന്‍ കൈവരിക്കുന്ന പുരോഗതി അഭിമാനകരമാണെന്ന് അംബാസഡര്‍ വ്യക്തമാക്കി.