ഇ​ന്ത്യ- പാ​കി​സ്താ​ൻ സം​ഘ​ർ​ഷം; ആ​ശ​ങ്ക​യ​റി​യി​ച്ച് ബ​ഹ്റൈ​ൻ

മ​നാ​മ: ഇ​ന്ത്യ​യും പാ​കി​സ്താ​നും ത​മ്മി​ലു​ള്ള സൈ​നി​ക സം​ഘ​ർ​ഷം രൂ​ക്ഷ​മാ​കു​ന്ന സാ​ഹ​ച​ര്യ​ത്തി​ൽ ആ​ശ​ങ്ക​യ​റി​യി​ച്ച് ബ​ഹ്റൈ​ൻ. സം​ഘ​ർ​ഷം നി​ര​വ​ധി​പേ​ർ​ക്ക് ജീ​വ​നും സ്വ​ത്തും ന​ഷ്ട​പ്പെ​ടു​ത്തി​യ​താ​യി ബ​ഹ്റൈ​ൻ വി​ദേ​ശ​കാ​ര്യ മ​ന്ത്രാ​ല​യം പ്ര​സ്താ​വ​ന​യി​ൽ പ​റ​ഞ്ഞു. ഇ​രു​വി​ഭാ​ഗ​വും ശാ​ന്ത​ത​യും സം​യ​മ​ന​വും പാ​ലി​ക്ക​ണം. കൂ​ടു​ത​ൽ സം​ഘ​ർ​ഷം ഒ​ഴി​വാ​ക്ക​ണം. പ്ര​തി​സ​ന്ധി പ​രി​ഹ​രി​ക്കു​ന്ന​തി​ൽ ച​ർ​ച്ച​ക​ളു​ടെ പ്രാ​ധാ​ന്യ​വും മ​ന്ത്രാ​ല​യം ചൂ​ണ്ടി​ക്കാ​ട്ടി.

ര​ണ്ട് ആ​ണ​വ​ശ​ക്തി​ക​ളാ​യ ഇ​ന്ത്യ​യും പാ​കി​സ്താ​നും ര​ണ്ട് പ​തി​റ്റാ​ണ്ടി​നി​ട​യി​ലെ ഏ​റ്റ​വും ഗു​രു​ത​ര​മാ​യ സൈ​നി​ക ആ​ക്ര​മ​ണ​ത്തി​നാ​ണ് ക​ഴി​ഞ്ഞ ദി​വ​സം സാ​ക്ഷി​യാ​യ​ത്. ആ​ക്ര​മ​ണ​ത്തി​ൽ 26 പാ​കി​സ്താ​നി​ക​ളും 12 ഇ​ന്ത്യ​ക്കാ​രും കൊ​ല്ല​പ്പെ​ട്ടി​രു​ന്നു. ഏ​പ്രി​ൽ 22ന് ​ക​ശ്മീ​രി​ലെ പ​ഹ​ൽ​ഗാ​മി​ൽ ന​ട​ന്ന ഭീ​ക​രാ​ക്ര​മ​ണ​ത്തി​ൽ 26 പേ​ർ കൊ​ല്ല​പ്പെ​ട്ടി​രു​ന്നു. ഇ​താ​ണ് സം​ഘ​ർ​ഷ​ത്തി​ന് കാ​ര​ണ​മാ​യ​ത്. പാ​കി​സ്താ​ൻ അ​നു​കൂ​ല ഭീ​ക​ര​വാ​ദി​ക​ളാ​ണ് ആ​ക്ര​മ​ണം ന​ട​ത്തി​യ​തെ​ന്നാ​ണ് ഇ​ന്ത്യ​യു​ടെ ആ​രോ​പ​ണം. പ്ര​തി​സ​ന്ധി പ​രി​ഹ​രി​ക്കു​ന്ന​തി​നാ​യി ലോ​ക​ത്തി​ലെ വി​വി​ധ രാ​ജ്യ​ങ്ങ​ൾ മ​ധ്യ​സ്ഥ​ത​വ​ഹി​ക്കാ​മെ​ന്ന ആ​ഹ്വാ​ന​വും സം​യ​മ​നം പാ​ലി​ക്ക​ണ​മെ​ന്ന നി​ർ​ദേ​ശ​വും ന​ൽ​കി​യി​രു​ന്നു.

ന​ല്ല അ​യ​ൽ​പ​ക്കം, അ​ന്താ​രാ​ഷ്ട്ര നി​യ​മം, ഐ​ക്യ​രാ​ഷ്ട്ര സ​ഭ​യു​ടെ ചാ​ർ​ട്ട​ർ എ​ന്നി​വ​യു​ടെ ത​ത്ത്വ​ങ്ങ​ൾ​ക്ക​നു​സൃ​ത​മാ​യി സ​മാ​ധാ​ന​പ​ര​മാ​യ മാ​ർ​ഗ​ങ്ങ​ളി​ലൂ​ടെ ത​ർ​ക്ക​ങ്ങ​ൾ പ​രി​ഹ​രി​ക്ക​ണം. യു​ദ്ധ​ത്തി​ന്റെ വി​നാ​ശ​ക​ര​മാ​യ പ്ര​ത്യാ​ഘാ​ത​ങ്ങ​ളി​ൽ​നി​ന്ന് ഇ​രു രാ​ജ്യ​ങ്ങ​ളി​ലെ​യും ജ​ന​ങ്ങ​ളെ സം​ര​ക്ഷി​ക്കാ​നും മേ​ഖ​ല​യി​ലെ സു​ര​ക്ഷ, സ​മാ​ധാ​നം, സ്ഥി​ര​ത എ​ന്നി​വ നി​ല​നി​ർ​ത്താ​നും ശ്ര​മി​ക്ക​ണ​മെ​ന്നും മ​ന്ത്രാ​ല​യം പ്ര​സ്താ​വ​ന​യി​ൽ പ​റ​ഞ്ഞു.