ഇന്ത്യ-ബഹ്​റൈൻ ബന്ധം: സുവർണ ജൂബിലി ലോഗോ പ്രകാശനം ചെയ്​തു

മനാമ: ഇന്ത്യയും ബഹ്​റൈനും നയതന്ത്ര ബന്ധം ആരംഭിച്ചതി​െൻറ സുവർണ ജൂബിലി ആഘോഷങ്ങളുടെ ലോഗോ പ്രകാശനം ചെയ്​തു. ഇന്ത്യൻ അംബാസഡർ പിയൂഷ്​ ശ്രീവാസ്​തവ, ഇന്ത്യയിലെ ബഹ്​റൈൻ അംബാസഡർ അബ്​ദുൽ റഹ്​മാൻ അൽ ഗഉൗദ്​, ആഫ്രോ-ഏഷ്യൻ അഫയേഴ്​സ്​ അധ്യക്ഷ ഫാത്തിമ അബ്​ദുല്ല അൽ ദഇൗൻ എന്നിവർ ചേർന്നാണ്​ ലോഗോ പ്രകാശനം ചെയ്​തത്​.1971 ഒക്​​േഒടാബർ 12നാണ്​ ഇന്ത്യയും ബഹ്​റൈനും തമ്മിൽ നയതന്ത്ര ബന്ധം നിലവിൽ വന്നത്​. സുവർണ്ണ ജൂബിലിയോടനുബന്ധിച്ച്​ ഒരു വർഷം നീളുന്ന പരിപാടികൾ ആവിഷ്​കരിച്ചിട്ടുണ്ട്​. ഇന്ത്യൻ എംബസിയിൽ നടന്ന ചടങ്ങിൽ ഇന്ത്യയും ബഹ്​റൈനും തമ്മിലുള്ള ദൃഢബന്ധത്തെ വിശിഷ്​ടാതിഥികൾ പ്രശംസിച്ചു. ദിൽമൺ നാഗരികത മുതലുള്ളതാണ്​ ഇന്ത്യയും ബഹ്​റൈനും തമ്മിലുള്ള ബന്ധമെന്ന്​ അംബാസഡർ പിയൂഷ്​ ശ്രീവാസ്​തവ അനുസ്​മരിച്ചു. കഴിഞ്ഞ കാലങ്ങളിൽ പരസ്​പര ബന്ധം ശക്​തമാക്കുന്ന നിരവധി നടപടികളാണ്​ ഇരു രാജ്യങ്ങളും സ്വീകരിച്ചത്​.

കോവിഡ്​ മഹാമാരിയുടെ കാലത്ത്​ ബന്ധം ശക്തമായി മുന്നോട്ടുകൊണ്ടുപോകാൻ സാധിച്ചതായി അദ്ദേഹം ചൂണ്ടിക്കാട്ടി. ബഹ്​റൈനിലെ ഏറ്റവും വലിയ പ്രവാസി സമൂഹമാണ്​ ഇന്ത്യക്കാരെന്ന്​ അംബാസഡർ അബ്​ദുൽ റഹ്​മാൻ അൽ ഗഉൗദ് പറഞ്ഞു. കോവിഡ്​ കാലത്ത്​ എല്ലാ തലങ്ങളിലും പരസ്​പര സഹകരണം ശക്തമായി. ഇരു രാജ്യങ്ങളിലെയും പൗരന്മാരെ സ്വന്തം നാടുകളിൽ എത്തിക്കാൻ പരസ്​പരം സഹായിച്ചു. കോവിഡ്​ പ്രതിസന്ധിക്കിടയിലും ഗൾഫ്​ എയർ ഇന്ത്യയിലേക്കുള്ള സർവിസ്​ നിർത്തിവെക്കാത്ത കാര്യവും അദ്ദേഹം അനുസ്​മരിച്ചു. ലോഗോ ഡിസൈൻ ​ചെയ്​ത അജോ ആൻറണിയെ ചടങ്ങിൽ ആദരിച്ചു. ഇന്ത്യൻ എംബസി തേഡ്​ സെക്രട്ടറി ഇജാസ്​ അസ്​ലം നന്ദി പറഞ്ഞു. ബഹ്​റൈൻ ആർട്​സ്​ ആൻറ്​ കൾച്ചറൽ അതോറിറ്റി, വിദേശകാര്യ മന്ത്രാലയം, വിവിധ ഇന്ത്യൻ അസോസിയേഷനുകൾ എന്നിവയുടെ പ്രതിനിധികൾ ചടങ്ങിൽ പ​െങ്കടുത്തു. ഇന്ത്യൻ എംബസിയും ബഹ്​റൈൻ വിദേശകാര്യ മന്ത്രാലയവും ചേർന്നാണ്​ ലോഗോ ഡിസൈൻ മത്സരം സംംഘടിപ്പിച്ചത്​. മത്സരത്തിൽ 200ഒാളം എൻട്രികൾ ലഭിച്ചിരുന്നു.