ഇന്ത്യ-ബഹ്​​ൈറൻ ബന്​ധം ശക്തമാക്കി സുഷമസ്വരാജ്​ മടങ്ങി

മനാമ: ഇന്ത്യൻ-ബഹ്​റൈൻ ബന്​ധം ദൃഡമാക്കിയ സന്ദർശനത്തിനുശേഷം  ഇന്ത്യൻ വിദേശകാര്യമന്ത്രി സുഷമസ്വരാജ്​ മടങ്ങി. ഇന്ത്യൻ എംബസിയുടെ കെട്ടിട ഉദ്​ഘാടനത്തി​​​െൻറ ഭാഗമായാണ്​ അവർ  ബഹ്​റൈനിൽ എത്തിയത്​. ഒൗദ്യോഗിക  ഡി​േപ്ലാമാറ്റിക് സ്പെഷല്‍ പാസ്പോര്‍ട്ടുള്ളവര്‍ക്ക് വിസ ഒഴിവാക്കിക്കൊടുക്കൽ, പുനരുപയോഗ ഊര്‍ജ്ജ മേഖലയിലെ സഹകരണം, ആരോഗ്യ മേഖലയിലെ സഹകരണം എന്നീ കരാറുകളിൽ ഒപ്പുവെക്കാൻ കഴിഞ്ഞതും നേട്ടമായി ചൂണ്ടിക്കാട്ടുന്നുണ്ട്​.

രാജാവ് ഹമദ് ബിന്‍ ഈസ ആല്‍ഖലീഫ, പ്രധാനമന്ത്രി പ്രിന്‍സ് ഖലീഫ ബിന്‍ സല്‍മാന്‍ ആല്‍ ഖലീഫ, കിരീടാവകാശിയും ഒന്നാം ഉപപ്രധാനമന്ത്രിയുമായ പ്രിന്‍സ് സല്‍മാന്‍ ബിന്‍ ഹമദ് ആല്‍ ഖലീഫ എന്നിവരെ മന്ത്രി സന്ദർശിക്കുകയും ചെയ്​തിരുന്നു. രണ്ട്​ രാജ്യങ്ങളും തമ്മിലുള്ള സഹകരണം ശക്തമാക്കുന്നതിനെ കുറിച്ചും കൂടുതൽ രംഗങ്ങളിലേക്ക്​ വികസനം വ്യാപിപ്പിക്കുന്നതിനുള്ള നിർദേശങ്ങളും ചർച്ചകളിൽ ഉയർന്നിരുന്നു.

ഇന്ത്യയുമായി വ്യാപാര-സാമ്പത്തിക മേഖലയില്‍ സഹകരണം വ്യാപിപ്പിക്കാന്‍ ബഹ്റൈന്‍ ഒരുക്കമാണെന്ന് കിരീടാവകാശിയും ഒന്നാം ഉപപ്രധാനമന്ത്രിയുമായ പ്രിന്‍സ് സല്‍മാന്‍ ബിന്‍ ഹമദ് ആല്‍ ഖലീഫ വ്യക്തമാക്കിയതും ഇൗ അവസരത്തിൽ ശ്ര​േദ്ധയമാണ്​. ബഹ്റൈ​​​െൻറ വളര്‍ച്ചയിലും പുരോഗതിയിലൂം ഇന്ത്യന്‍ പ്രവാസി സമൂഹം നല്‍കിക്കൊണ്ടിരിക്കുന്ന പങ്ക് ഏറെ വലുതാണെന്നും ഇന്ത്യന്‍ വിദേശകാര്യ മന്ത്രി സുഷമാ സ്വരാജിനെ സ്വീകരിച്ച് സംസാരിച്ച കിരീടാവകാശി വ്യക്തമാക്കിയിരുന്നു.