സ്വാതന്ത്ര്യ ദിനാഘോഷ നിറവിൽ ബഹ്​റൈനിലെ ഇന്ത്യൻ സമൂഹം

മനാമ: ഹൃദയങ്ങളിൽ ദേശസ്നേഹത്തി​െൻറ അലയൊലികൾ ഉയർത്തി ബഹ്​റൈനിലെ പ്രവാസി സമൂഹം ഇന്ത്യയുടെ 76ാം സ്വാതന്ത്ര്യ ദിനം ആഘോഷിച്ചു. അധിനിവേശ ശക്​തികളിൽനിന്ന്​ സഹന സമരത്തിലൂടെ സ്വാതന്ത്ര്യം നേടിയെടുത്തതി​െന്‍റ വജ്രജൂബിലിയെ അത്യാവേശത്തോടെയാണ്​ പ്രവാസി സമൂഹം വരവേറ്റത്​. ഇന്ത്യൻ എംബസിയുടെയും വിവിധ പ്രവാസി സംഘടനകളുടെയും കൂട്ടായ്മകളുടെയും നേതൃത്വത്തിൽ സ്വാതന്ത്ര്യദിനാഘോഷ പരിപാടികൾ സംഘടിപ്പിച്ചു.

ഇന്ത്യൻ എംബസിയിൽ നടന്ന സ്വാത​ന്ത്ര്യ ദിനോഘാഷത്തിൽ പ​ങ്കെടുക്കാനെത്തിയ മലയാളി സാമൂഹിക പ്രവർത്തകർ

ഇന്ത്യൻ എംബസിയിൽ നടന്ന ചടങ്ങിൽ അംബാസഡർ പീയൂഷ്​ ശ്രീവാസ്തവ ദേശീയ പതാക ഉയർത്തി. മഹാത്​മാഗാന്ധിയുടെ പ്രതിമയിൽ പുഷ്​പാർച്ചന നടത്തിയ ശേഷമാണ്​ അംബാസഡർ പതാക ഉയർത്തൽ ചടങ്ങിനെത്തിയത്​. തുടർന്ന്​ രാഷ്ട്രപതി ദ്രൗപദി മുർമുവി​െന്‍റ സ്വാതന്ത്ര്യ ദിന സന്ദേശം അദ്ദേഹം വായിച്ചു. ഇന്ത്യക്കാർക്ക്​ മാത്രമല്ല, ലോകമെങ്ങുമുള്ള ജനാധിപത്യ സ്​നേഹികൾക്ക് ആഹ്ലാദിക്കാനുള്ള മുഹൂർത്തമാണ്​ ഇതെന്ന്​ രാഷ്ട്രപതി സന്ദേശത്തിൽ പറഞ്ഞു. സ്വാതന്ത്ര്യം ലഭിച്ച നാളുകളിൽ ഇന്ത്യയിലെ ജനാധിപത്യ സർക്കാരി​െന്‍റ വിജയത്തെക്കുറിച്ച്​ ലോകനേതാക്കൾ സ​ന്ദേഹം പ്രകടിപ്പിച്ചിരുന്നു. എന്നാൽ, ജനാധിപത്യം ഇന്ത്യയിൽ വേരുറപ്പിക്കുക മാത്രമല്ല, വളർന്ന്​ പന്തലിക്കുകയും ചെയ്തുവെന്ന്​ അവർ വ്യക്​തമാക്കി.

ഇന്ത്യൻ എംബസിയിൽ നടന്ന സ്വാത​ന്ത്ര്യ ദിനോഘാഷത്തിൽ പ​ങ്കെടുക്കാനെത്തിയ പ്രവാസി സമൂഹം

ഇന്ത്യൻ എംബസി ഉദ്യോഗസ്ഥർ, സാമൂഹിക പ്രവർത്തകർ എന്നിവരും ഇന്ത്യൻ സമൂഹത്തിലെ മറ്റ്​ നിരവധി പേരും ചടങ്ങുകളിൽ പ​​ങ്കെടുത്തു.