വീട്ടുജോലിക്കാരുടെ പുതിയ കരാർ അടുത്ത മാസം മുതൽ

മനാമ: ബഹ്​റൈനിലേക്ക്​ വരുന്ന വീട്ടുജോലിക്കാർക്കുള്ള പുതിയ കരാർ അടുത്ത മാസം മുതൽ പ്രാബല്യത്തിൽ വരും. ജോ ലിക ്കാരുടെ അവകാശങ്ങളും ജോലിയുടെ സ്വഭാവവും കൃത്യമായി നിർവചിക്കുന്നു എന്നതാണ്​ കരാറി​​​​െൻറ പ്രത്യേകത. ഇത്​ ഇവർ ബഹ്​റൈനിൽ എത്തും മുമ്പ്​ തന്നെ ഒപ്പിടണം. വീട്ടുജോലിക്കാർക്കുള്ള തൊഴിൽ പെർമിറ്റിനുള്ള അപേക്ഷ പുതിയ ഒാൺലൈ ൻ പോർട്ടൽ വഴി സമർപ്പിക്കാനായി റിക്രൂട്ട്​മ​​​െൻറ്​ ഏജൻസികളും ബഹ്​റൈനി സ്​പോൺസർമാരും ഇൗ ​കരാർ അപ്​ലോഡ്​ ച െയ്യണം. തൊഴിൽദാതാക്കൾക്കും റിക്രൂട്ട്​മ​​​െൻറ്​ ഏജൻസികൾക്കും തൊഴിലാളികൾക്കുമിടയിൽ കൂടുതൽ പ്രൊഫഷനലായ ഇടപാടുകൾക്ക്​ ഇത്​ വഴിയൊ രുക്കുമെന്ന്​ കരുതുന്നു. ലേബർ മാർക്കറ്റ്​ റെഗുലേറ്ററി അതോറിറ്റി (എൽ.എം.ആർ.എ) ആണ്​ ഇൗ പദ്ധതിക്ക്​ ചുക്കാൻ പിടിച്ചത്​. പുതിയ സംവിധാനത്തി​​​​െൻറ പരീക്ഷണങ്ങൾ അവസാന ഘട്ടത്തിലാണെന്ന്​ എൽ.എം.ആർ.എ ചീഫ്​ എക്​സിക്യൂട്ടിവ്​ ഉസാമ അൽ അബ്​സി പ്രാദേശിക പത്രത്തോട്​ പറഞ്ഞു. അടുത്ത മാസത്തോടു കൂടി പദ്ധതി നിലവിൽ വരും.

തൊഴിൽ പെർമിറ്റിനുള്ള അപേക്ഷ പരിഗണിക്കണമെങ്കിൽ റിക്രൂട്ട്​മ​​​െൻറ്​ ഏജൻസിയോ സ്​പോൺസ​റോ തൊഴിൽ കരാറി​​​​െൻറ പകർപ്പ്​ നിർബന്ധമായും സമർപ്പിക്കണമെന്നും അദ്ദേഹം വ്യക്തമാക്കി. പ്രതിദിന ​തൊഴിൽ സമയം, പ്രതിവാര അവധി തുടങ്ങിയ കാര്യങ്ങൾ വ്യക്തമായി കരാറിൽ രേഖപ്പെടുത്തണം. അറബി, ഇംഗ്ലിഷ്​ ഭാഷകൾ അറിയുന്ന വീട്ടുജോലിക്കാർക്കായി തൊഴിലുടമക്ക്​ മുൻഗണന നൽകാം. തൊഴിൽ, ആനുകൂല്യം, ശമ്പളം, അവധി തുടങ്ങിയ വിവിധ കാര്യങ്ങളിലുള്ള നിബന്ധനകൾ ബഹ്​റൈനിലേക്ക്​ പുറപ്പെടും മുമ്പ്​ രേഖാമൂലം അറിയാനാകും എന്നത്​ ജോലിക്കാർക്ക്​ വലിയ ആശ്വാസമാകും.

ബഹ്​റൈനിലെത്തുന്ന വീട്ടുജോലിക്കാരുടെ ബയോമെട്രിക്​സ്​ വിവരങ്ങൾ ഇവിടുത്തെ വിമാനത്താവളത്തിലെ എൽ.എം.ആർ.എ കൗണ്ടറുകളിൽ വെച്ചുതന്നെ രേഖപ്പെടുത്താനുള്ള പദ്ധതി പുരോഗമിക്കുകയാണ്​. ഇതിനുപുറമെ ഇവർക്ക്​ സ്​മാർട്​ കാർഡുകൾ നൽകും. പാസ്​പോർട്ടിൽ റെസിഡൻസ്​ പെർമിറ്റ്​ സ്​റ്റിക്കറുകൾ പതിക്കുകയും ചെയ്യും. ഇപ്പോഴത്തെ രീതി അനുസരിച്ച്​ വീട്ടുജോലിക്കാരെ നിയമിക്കാൻ തൊഴിലുടമകൾ നാല്​ ഘട്ടങ്ങളിലൂടെ കടന്നുപോകേണ്ടതുണ്ട്​. ലൈസൻസുള്ള മാൻപവർ ഏജൻസികളിൽ നിന്ന്​ ഒരു ജോലിക്കാരിയെ തെരഞ്ഞെടുക്കുക എന്നതാണ്​ ആദ്യഘട്ടം.
തുടർന്ന്​ എൽ.എം.ആർ.എക്ക്​ ഒാൺലൈൻ അപേക്ഷ നൽകണം. ഇൻഫർമേഷൻ ആൻറ്​ ഇ^ഗവൺമ​​​െൻറ്​ അതോറിറ്റിയിൽ നിന്ന്​ സ്​മാർട്​ കാർഡ്​ കൈപ്പറ്റുകയും നാഷനാലിറ്റി, പാസ്​പോ ർട്ട്​ ആൻറ്​ റെസിഡൻസ്​ അഫയേഴ്​സിൽ നിന്ന്​ നോ ഒബ്​ജക്​ഷൻ സർട്ടിഫിക്കറ്റ്​ വാങ്ങുകയും വേണം. ഇത്​ പൂർണമായും ഇല്ലാതാക്കി ഒരൊറ്റ ഇടപാടിലേക്ക്​ മാറ്റുകയാണ്​ ചെയ്യുന്നത്​. പുതിയ രീതി തുടങ്ങും മുമ്പ്​ എൽ.എം.ആർ.എ രാജ്യത്തെ വീട്ടുജോലിക്കാരെ കുറിച്ചുള്ള വിവരങ്ങൾ പുതുക്കിവരികയാണ്. ജോലിക്കാരുടെ റെസിഡൻസ്​ പെർമിറ്റ്​ ലഭിക്കാൻ ആവശ്യമായ നടപടികൾ പൂർത്തിയാക്കാത്ത തൊഴിലുടമകളുടെ വിവരങ്ങൾ ഇതോടെ വ്യക്തമാകും.

പാസ്​പോർട്ടിൽ റെസിഡൻസ്​ പെർമിറ്റ്​ സ്​റ്റിക്കർ പതിക്കാത്തവർ, മെഡിക്കൽ പരിശോധന പൂർത്തിയാക്കാത്തവർ തുടങ്ങിയവരുടെ വിവരങ്ങളും അറിയാനാകും. ബഹ്​റൈനിലാകെ 92,000ത്തോളം വീട്ടുജോലിക്കാരുണ്ട്​. ഇവിടുത്തെ മൊത്തം പ്രവാസി ജനസംഖ്യയുടെ 15 ശതമാനത്തോളം വരുമിത്​. ഏറ്റവുമധികം വീട്ടുജോലിക്കാരുള്ളത്​ ഇന്ത്യയിൽ നിന്നാണ്​ ^21,567 പേർ. 21,306 ഇത്യോപിയക്കാരും 20,316 ഫിലിപ്പീൻസ്​ സ്വദേശികളും ഇവിടെ വീട്ടുജോലിക്കാരായുണ്ട്​.