അവധി ദിനങ്ങൾ: ബഹ്റൈനിലെ ഉല്ലാസ കേന്ദ്രങ്ങളിൽ വൻ തിരക്ക്

മ​നാ​മ: ​ബ​ലി​പെ​രു​ന്നാ​ൾ അ​വ​ധി ദി​ന​ങ്ങ​ൾ ആ​ഘോ​ഷ​മാ​ക്കി പ്ര​വാ​സി​ക​ളും സ്വ​ദേ​ശി​ക​ളും. രാ​ജ്യ​ത്തെ ബീ​ച്ചു​ക​ളി​ലും മ​റ്റ്​ വി​നോ​ദ സ​ഞ്ചാ​ര കേ​ന്ദ്ര​ങ്ങ​ളി​ലും ക​ഴി​ഞ്ഞ ദി​വ​സ​ങ്ങ​ളി​ൽ വ​ൻ ജ​ന​ത്തി​ര​ക്കാ​ണ്​ അ​നു​ഭ​വ​പ്പെ​ട്ട​ത്.സൗ​ദി അ​ട​ക്ക​മു​ള്ള ജി.​സി.​സി രാ​ജ്യ​ങ്ങ​ളി​ൽ​നി​ന്ന് നി​ര​വ​ധി വി​നോ​ദ​സ​ഞ്ചാ​രി​ക​ൾ ഒ​ഴു​കി​യെ​ത്തി. ഹോ​ട്ട​ലു​ക​ളി​ലും ടൂ​റി​സ്റ്റ് ക​ന്ദ്ര​ങ്ങ​ളി​ലും ക​ന​ത്ത തി​ര​ക്ക് അ​നു​ഭ​വ​പ്പെ​ട്ടു.

ചൂ​ട്​ അ​വ​ഗ​ണി​ച്ചും ജ​ന​ങ്ങ​ൾ വി​നോ​ദ സ​ഞ്ചാ​ര കേ​ന്ദ്ര​ങ്ങ​ളി​ലേ​ക്ക്​ ഒ​ഴു​കി​യെ​ത്തി. ബ​ഹ്​​റൈ​ൻ ടൂ​റി​സം ആ​ൻ​ഡ്​ എ​ക്സ്​​ബി​ഷ​ൻ​സ്​ അ​തോ​റ്റി​റ്റി​യു​ടെ ആ​ഭി​മു​ഖ്യ​ത്തി​ൽ ടൂ​റി​സ്റ്റു​ക​ൾ​ക്കാ​യി വി​വി​ധ പ​രി​പാ​ടി​ക​ളാ​ണ് അ​വ​ധി​ക്കാ​ല​ത്ത് ഒ​രു​ക്കി​യി​ട്ടു​ള്ള​ത്.ക​ട​ലി​ൽ കു​ളി​ക്കാ​നും ക​ട​ൽ​ത്തീ​ര​ത്ത്​ വി​വി​ദ വി​നോ​ദ​ങ്ങ​ളി​ൽ ഏ​ർ​പ്പെ​ടാ​നും ഇ​ഷ്ട ഭ​ക്ഷ​ണം ക​ഴി​ക്കാ​നും നി​ര​വ​ധി​പേ​രാ​ണ് കു​ടും​ബ​സ​മേ​ത​മെ​ത്തി​യ​ത്. ജ​സാ​യെ​ർ ബീ​ച്ച്, മ​റാ​സീ ബീ​ച്ച്, വാ​ട്ട​ർ ഗാ​ർ​ഡ​ൻ സി​റ്റി ബീ​ച്ച്​ എ​ന്നി​വി​ട​ങ്ങ​ളി​ൽ ആ​ഘോ​ഷ പ​രി​പാ​ടി​ക​ൾ സം​ഘ​ടി​പ്പി​ച്ചി​രു​ന്നു.

സ​ഞ്ചാ​രി​ക​ൾ കൂ​ട്ട​മാ​യി ഇ​റ​ങ്ങി​യ​തോ​ടെ റോ​ഡു​ക​ളി​ൽ ന​ല്ല തി​ര​ക്കും അ​നു​ഭ​വ​പ്പെ​ട്ടു. മി​ക്ക​യി​ട​ങ്ങ​ളി​ലും ​പ്ര​വാ​സി​ക​ളും ധാ​രാ​ള​മാ​യി എ​ത്തി. തു​ട​ർ​ച്ച​യാ​യി വ​ന്ന അ​വ​ധി​ക്കാ​ലം ആ​ഹ്ലാ​ദ​ക​ര​മാ​ക്കാ​ൻ ക​ഴി​ഞ്ഞ​തി​​ന്റെ സ​ന്തോ​ഷ​ത്തി​ലാ​യി​രു​ന്നു എ​ല്ലാ​വ​രും. മ​റ്റ് രാ​ജ്യ​ങ്ങ​ളി​ലേ​ക്ക് അ​വ​ധി ആ​ഘോ​ഷി​ക്കാ​ൻ പോ​കു​ന്ന​വ​രു​ടെ എ​ണ്ണ​വും വ​ർ​ധി​ച്ചു.ജോ​ർ​ജി​യ, ഗ്രീ​സ്, തു​ർ​ക്കി, യൂ​റോ​പ്യ​ൻ രാ​ജ്യ​ങ്ങ​ൾ എ​ന്നി​വ​യാ​ണ് സ​ഞ്ചാ​രി​ക​ൾ തി​ര​ഞ്ഞെ​ടു​ക്കു​ന്ന​ത്.