ഹമദ്​ രാജാവ്​ സൗദി സന്ദർശനത്തിനുശേഷം മടങ്ങിയെത്തി

മനാമ: രാജാവ്​ ഹമദ്​ ബിൻ ഇൗസ ആൽ ഖലീഫ സൗദി അറേബ്യയിലെ സന്ദർശനത്തിനുശേഷം മടങ്ങിയെത്തി. ജി.സി.സി, അറബ്​ അടിയന്തിര സമ്മേളനത്തിൽ സംബന്​ധിക്കാനായിരുന്നു അദ്ദേഹം സൗദിയിലേക്ക്​ സൽമാൻ രാജാവി​​െൻറ ക്ഷണപ്രകാരം പോയിരുന്നത്​. സാക്കിർ വിമാനത്താവളത്തിൽ മടങ്ങിയെത്തിയ രാജാവിനെ കിരീടാവകാശി പ്രിൻസ്​ സൽമാൻ ബിൻ ഹമദ്​ ആൽ ഖലീഫയുടെ നേതൃത്വത്തിൽ വരവേറ്റു.

സൗദിയിൽ ഉൗഷ്​മളമായ സ്വീകരണം നൽകിയതിന്​ ഹമദ്​ രാജാവ്​ സൗദി ഭരണകൂടത്തിന്​ കൃതഞ്​ജത അറിയിച്ചിരുന്നു. അതേസമയം ഹമദ്​ രാജാവ്​ ജി.സി.സി യോഗത്തിനെ അഭിസംബോധന ചെയ്​ത്​ നടത്തിയ പ്രഭാഷണം ഇതിനകം ശ്രദ്ധേയമായിട്ടുണ്ട്​. സൗദി, യു.എ.ഇ രാജ്യങ്ങൾക്ക്​ ​െഎക്യദാർഡ്യവും അതേസമയം ​മേഖലയുടെ സുരക്ഷിതത്വത്തിനും സുസ്ഥിരതക്കും എതിരായി ഇറാൻ നടത്തുന്ന പ്രവർത്തനങ്ങൾക്ക്​ താക്കീതും നൽകിയാണ്​ ഹമദ്​ രാജാവ്​ സംസാരിച്ചത്​. ഗൾഫ്​ മേഖലയിൽ എന്നും സമാധാനം ആവശ്യമാണെന്നും അദ്ദേഹം ചൂണ്ടിക്കാട്ടുകയുണ്ടായി.