തൊഴിലാളി മരിച്ചാൽ തൊഴിലുടമ നൽകേണ്ട ആനുകൂല്യങ്ങൾ എന്തെല്ലാം

ബഹ്റൈനിലെ തൊഴിൽ നിയമങ്ങൾ എന്തൊക്കെയാണെന്നത് ഓരോ വിദേശ തൊഴിലാളിയും നിർബന്ധമായും അറിഞ്ഞിരിക്കേണ്ടതാണ്. ഇത് അറിയാത്തതുകൊണ്ടാണ് പല വഞ്ചനകളിലും പ്രയാസങ്ങളിലും പ്രവാസി തൊഴിലാളികൾ അകപ്പെടുന്നത്. അടിസ്​ഥാനപരമായി തൊഴിലാളികൾ അറിഞ്ഞിരിക്കേണ്ട നിയമങ്ങളെക്കുറിച്ച പംക്തിയാണിത്. പ്രവാസികളുടെ സംശയങ്ങൾക്കുള്ള മറുപടിയും പംക്തിയിലൂടെ ലഭ്യമാകും. bahrain@gulfmadhyamam.net എന്ന വിലാസത്തിലോ 39203865 വാട്​സാപ്​ നമ്പറിലോ സംശയങ്ങൾ അയക്കാം. ഇ​വി​ടെ ന​ൽ​കു​ന്ന വി​വ​ര​ങ്ങ​ൾ നി​യ​മോ​പ​ദേ​ശ​മാ​യി ക​ണ​ക്കാ​ക്ക​രു​ത്. വ്യ​ക്​​ത​മാ​യ നി​യ​മോ​പ​ദേ​ശം ല​ഭി​ക്കാ​ൻ ഒ​രു ബ​ഹ്​​റൈ​നി അ​ഭി​ഭാ​ഷ​ക​നെ സ​മീ​പി​ക്ക​ണം.

? ഞ​ങ്ങ​ളു​ടെ ക​മ്പ​നി​യി​ലെ ഒ​രു തൊ​ഴി​ലാ​ളി ക​ഴി​ഞ്ഞ​മാ​സം മ​രി​ക്കു​ക​യു​ണ്ടാ​യി. അ​ദ്ദേ​ഹ​ത്തി​ന്റെ സെ​റ്റി​ൽ​മെ​ന്റി​ന്റെ കൂ​ടെ സാ​ധാ​ര​ണ ല​ഭി​ക്കു​ന്ന ആ​നു​കൂ​ല്യ​ങ്ങ​ൾ കൂ​ടാ​തെ ര​ണ്ടു മാ​സ​ത്തെ അ​ധി​ക ശ​മ്പ​ളം കൊ​ടു​ക്ക​ണ​മെ​ന്ന് ചി​ല​ർ പ​റ​യു​ന്നു. തൊ​ഴി​ൽ നി​യ​മ​ത്തി​ൽ ഇ​തു​സം​ബ​ന്ധി​ച്ച് വ്യ​വ​സ്ഥ​യു​ണ്ടോ?

- സു​ധീ​ർ​

താ​ങ്ക​ൾ അ​റി​ഞ്ഞ കാ​ര്യം ശ​രി​യാ​ണ്. ഇ​വി​ട​ത്തെ തൊ​ഴി​ൽ നി​യ​മ​ത്തി​ൽ ഇ​തു​സം​ബ​ന്ധി​ച്ച വ്യ​വ​സ്ഥ​യു​ണ്ട്. ഒ​രു തൊ​ഴി​ലാ​ളി ഇ​വി​ടെ മ​രി​ക്കു​ക​യാ​ണെ​ങ്കി​ൽ അ​ദ്ദേ​ഹ​ത്തി​ന് സാ​ധാ​ര​ണ ല​ഭി​ക്കു​ന്ന ആ​നു​കൂ​ല്യ​ങ്ങ​ൾ കൂ​ടാ​തെ ര​ണ്ടു മാ​സ​ത്തെ അ​ധി​ക ശ​മ്പ​ളം ന​ൽ​ക​ണം. തൊ​ഴി​ലാ​ളി​യു​ടെ മ​ര​ണ​ത്തോ​ടെ തൊ​ഴി​ൽ​ക്ക​രാ​ർ റ​ദ്ദാ​കും. ഈ ​ആ​നു​കൂ​ല്യം ല​ഭി​ക്കാ​ൻ ഒ​രു വ്യ​വ​സ്ഥ​യു​ണ്ട്. ആ ​തൊ​ഴി​ലു​ട​മ​യു​ടെ കൂ​ടെ കു​റ​ഞ്ഞ​ത് ഒ​രു വ​ർ​ഷം തൊ​ഴി​ൽ ചെ​യ്തി​രി​ക്ക​ണം.

?എ​ന്റെ തൊ​ഴി​ൽ ക​രാ​ർ റ​ദ്ദ് ചെ​യ്യ​ണ​മെ​ങ്കി​ൽ തൊ​ഴി​ലു​ട​മ മൂ​ന്നു മാ​സ​ത്തെ നോ​ട്ടീ​സ് ത​ര​ണ​മെ​ന്ന് വ്യ​വ​സ്ഥ​യു​ണ്ട്. എ​നി​ക്ക് ഇ​പ്പോ​ൾ ക​മ്പ​നി മൂ​ന്നു മാ​സ​ത്തെ നോ​ട്ടീ​സ് ന​ൽ​കി. ക​രാ​ർ റ​ദ്ദു ചെ​യ്തു. മൂ​ന്നു മാ​സം ജോ​ലി ചെ​യ്യാ​തെ അ​തി​നു​ള്ള ശ​മ്പ​ളം ത​രാ​മെ​ന്ന് ക​മ്പ​നി പ​റ​യു​ന്നു. എ​ന്റെ സം​ശ​യം ഈ ​മൂ​ന്നു മാ​സം എ​ന്റെ തൊ​ഴി​ൽ ക​രാ​റി​ന്റെ കാ​ലാ​വ​ധി​യാ​യി ക​ണ​ക്കാ​ക്കു​മോ? അ​തു​പോ​ലെ എ​നി​ക്ക് ല​ഭി​ക്കു​ന്ന ആ​നു​കൂ​ല്യ​ങ്ങ​ൾ നി​യ​മ​പ്ര​കാ​ര​വും അ​ല്ലെ​ങ്കി​ൽ എ​ന്റെ ക​രാ​ർ പ്ര​കാ​ര​വു​മു​ള്ള​വ നോ​ട്ടീ​സ് കാ​ലാ​വ​ധി ക​ഴി​യു​മ്പോ​ൾ വ​രെ​യാ​ണോ അ​തോ നോ​ട്ടീ​സ് ന​ൽ​കി​യ ദി​വ​സം വ​രെ​യാ​ണോ? ഇ​തി​ന് വ്യ​ക്ത​ത ല​ഭി​ച്ചാ​ൽ ന​ന്നാ​യി​രു​ന്നു

-പ്ര​കാ​ശ് മോ​ഹ​ൻ

ഇ​വി​ട​ത്തെ തൊ​ഴി​ൽ നി​യ​മ​പ്ര​കാ​രം താ​ങ്ക​ളു​ടെ ആ​നു​കൂ​ല്യ​ങ്ങ​ൾ ക​ണ​ക്കാ​ക്കു​ന്ന​ത് നോ​ട്ടീ​സി​ന്റെ കാ​ലാ​വ​ധി ക​ഴി​യു​ന്ന ദി​വ​സം വ​രെ​യാ​ണ്. അ​ല്ലാ​തെ നോ​ട്ടീ​സ് ന​ൽ​കി​യ ദി​വ​സം വ​രെ​യ​ല്ല. തൊ​ഴി​ലു​ട​മ നോ​ട്ടീ​സ് ന​ൽ​കി ക​രാ​ർ റ​ദ്ദു ചെ​യ്യു​ക​യാ​ണെ​ങ്കി​ൽ നോ​ട്ടീ​സ് സ​മ​യ​വും തൊ​ഴി​ൽ ക​രാ​റി​ന്റെ കാ​ലാ​വ​ധി​യാ​യി ക​ണ​ക്കാ​ക്കി അ​തി​ന്റെ ആ​നു​കൂ​ല്യ​ങ്ങ​ളും ത​ര​ണം. അ​താ​യ​ത് താ​ങ്ക​ൾ​ക്ക് ജൂ​ൺ ഒ​ന്നാം തീ​യ​തി മൂ​ന്നു മാ​സ​ത്തെ നോ​ട്ടീ​സ് ന​ൽ​കി​യാ​ൽ താ​ങ്ക​ളു​ടെ നോ​ട്ടീ​സ് കാ​ലാ​വ​ധി ക​ഴി​യു​ന്ന ആ​ഗ​സ്റ്റ് 31 വ​രെ​യു​ള്ള എ​ല്ലാ ആ​നു​കൂ​ല്യ​ങ്ങ​ളും ന​ൽ​ക​ണം. അ​വ​ധി ലീ​വി​ങ് ഇ​ൻ​ഡെ​മി​നി​റ്റി എ​ന്നി​വ. നോ​ട്ടീ​സ് സ​മ​യ​ത്ത് ജോ​ലി ചെ​യ്താ​ലും ഇ​ല്ലെ​ങ്കി​ലും ശ​മ്പ​ള​വും മ​റ്റ് ആ​നു​കൂ​ല്യ​ങ്ങ​ളും ല​ഭി​ക്കാ​ൻ അ​ർ​ഹ​ത​യു​ണ്ട്. കൂ​ടു​ത​ലാ​യി അ​റി​യ​ണ​മെ​ങ്കി​ൽ ഒ​രു ബ​ഹ്റൈ​നി അ​ഭി​ഭാ​ഷ​ക​നെ സ​മീ​പി​ക്കു​ക.