ഹൃദയാഘാതം; കാസർകോട് സ്വദേശി ബഹ്റൈനിൽ നിര്യാതനായി

മനാമ: കാസർകോട് കാഞ്ഞങ്ങാട് സ്വദേശി അഷ്റഫ് (45) ഹൃദയാഘാതം മൂലം ബഹ്റൈനിൽ നിര്യാതനായി. രാവിലെ ജോലിക്ക് പോവാനായി ഒരുങ്ങുന്നതിനിടെ താമസ സ്ഥലത്ത് വെച്ച് കുഴഞ്ഞുവീഴുകയായിരുന്നു.

ആശുപത്രിയിലെത്തിച്ചെങ്കിലും രക്ഷിക്കാനായില്ല. മനാമ സൂക്കിൽ പള്ളിക്ക് സമീപമുള്ള മാക്സി ഷോപ്പിൽ ജോലി ചെയ്തുവരികയായിരുന്നു. ഭാര്യ: സുബൈദ. മകൾ: ഷിഫാന. മൃതദേഹം നാട്ടിൽ കൊണ്ടുപോകാനുള്ള നടപടികൾ ചെയ്തുവരുന്നു.