സെന്‍റ്​ പീറ്റേഴ്സ്​ പള്ളിയിൽ ഹാശാ ശുശ്രൂഷകൾക്ക് തുടക്കമായി

മനാമ: ബഹ്‌റൈൻ സെന്‍റ്​ പീറ്റേഴ്‌സ് യാക്കോബായ സുറിയാനി പള്ളിയിൽ ഹാശാ ശുശ്രൂഷകൾക്ക് തുടക്കം കുറിച്ചുകൊണ്ട് ഓശാന പെരുന്നാൾ കൊണ്ടാടി. ഓശാന ശുശ്രൂഷകൾക്ക് ഇടവക വികാരി ഫാ. റോജൻ പേരകത്തും ഫാ. സിബി തോമസും മുഖ്യകാർമികത്വം വഹിച്ചു. ചൊവ്വാഴ്ച വരെ വൈകീട്ട് ഏഴു​ മുതൽ ഒമ്പതു​ വരെ ഹാശാ കൺവെൻഷൻ നടക്കും. കൺവെൻഷന് ഫാ. സിബി തോമസ് നേതൃത്വം നൽകും. ബുധനാഴ്ച 6.30 മുതൽ പെസഹ ശുശ്രൂഷയും വെള്ളിയാഴ്ച രാവിലെ ഏഴു​ മണി മുതൽ ദുഃഖവെള്ളി ശുശ്രൂഷകൾ ബഹ്‌റൈൻ കേരളീയ സമാജം ഹാളിലും നടക്കും. ശനിയാഴ്ച വൈകീട്ട് 6.30ന്​ ഈസ്റ്റർ ശുശ്രൂഷകൾ ആരംഭിക്കും.