ഹാർമോണിയസ് കേരള നാളെ
text_fieldsമനാമ: അതിരുകൾ ഇല്ലാത്ത മാനവികതയുടെ സന്ദേശമുണർത്തിയും മനുഷ്യസാഹോദര്യത്തിെൻറ അളവറ്റ സൗഹൃദഗീതങ്ങൾ ഉയർത്ത ിയും ‘ഗൾഫ് മാധ്യമം’ സംഘടിപ്പിക്കുന്ന ഹാർമോണിയസ് കേരള നാളെ ബഹ്റൈനിൽ ഇൗസ ടൗണിലെ ഇന്ത്യൻ സ്കൂളിൽ നടക്കും. ബ ഹ്റൈൻ മലയാളി സമൂഹത്തിെൻറ ആത്മസ്പന്ദനങ്ങൾക്കും പോറ്റമ്മയായ ബഹ്റൈനോടുള്ള സ്നേഹവായ്പ്പിനും വേദിയാ കുന്ന ആഘോഷം ചരിത്രമായി മാറുമെന്ന കണക്കുകൂട്ടലിലാണ് സംഘാടകസമിതി. ഇൻഫർമേഷൻ മന്ത്രാലയത്തിെൻറ രക്ഷാധികാരത് തിലാണ് പരിപാടി നടക്കുക. എല്ലാ ഒരുക്കവും പൂർത്തിയായ ആഘോഷത്തിന് മലയാളത്തിെൻറ അഭിമാനമായ താരം മമ്മൂട്ടിയാണ ് എത്തുന്നത്. ഒരു ഇടവേളക്കുശേഷമാണ് ബഹ്റൈനിലെ മലയാളികളെ അഭിസംബോധന ചെയ്യാൻ അദ്ദേഹം എത്തുന്നത് എന്നതും പ് രത്യേകതയാണ്.
ആയിരങ്ങൾ സകുടുംബം ടിക്കറ്റ് എടുത്ത് പരിപാടി ആസ്വാദിക്കാൻ കാത്തിരിക്കുകയാണ്. ഭാവ ഗായകനായ പി.ജയചന്ദ്രൻ പാടാനെത്തുന്നു എന്നതും ഏവരേയും ആഹ്ലാദത്തിലാഴ്ത്തിയിട്ടുണ്ട്. മലയാളികൾക്ക് മറക്കാൻ കഴിയാത്ത മധുരഗാനങ്ങൾ ആലപിച്ച് മനസുകളിൽ സ്ഥാനം നേടിയ അദ്ദേഹത്തിെൻറ ഗാനാലാപനത്തിന് സാക്ഷിയാകാനുള്ള സുവർണ്ണാവസരമാണ് വന്നുചേർന്നിരിക്കുന്നത്. മെഗാഇൗവൻറ് വൈകുന്നേരം ആറരമുതലാണ് ആരംഭിക്കുക. മനോജ് കെ ജയൻ, വിധുപ്രതാപ്, മുഹമ്മദ് അഫ്സൽ, നിഷാദ്,ജോത്സ്യന, മീനാക്ഷി, രഹ്ന,ഉല്ലാസ് പന്തളം, നസീർ സംക്രാന്തി, സുശാന്ത് തുടങ്ങിയവരും പെങ്കടുക്കും. ഗാനമേളയും കോമഡി സ്കിറ്റും എല്ലാം ചേർന്ന് മണിക്കൂറുകൾ നീണ്ട കലാസ്വാദനത്തിനാണ് ബഹ്റൈൻ സാക്ഷ്യം വഹിക്കാൻ ഒരുന്നത്. സമൂഹത്തിെൻറ വിവിധ മേഖലകളിലുള്ളവർ അണിനിരക്കുന്ന പ്രൗഡമായ സദസും ഹാർമോണിയസ് കേരളയെ വിത്യസ്തമായ അനുഭവമാക്കും.
താരനിര എത്തിത്തുടങ്ങി
മനാമ: ഹാർമോണിയസ് കേരളയിൽ പെങ്കടുക്കാൻ താരനിര എത്തിത്തുടങ്ങി. പി.ജയചന്ദ്രൻ, രഹ്ന, അഫ്സൽ തുടങ്ങിയവർ ഇന്നലെ എത്തി. ബഹ്റൈൻ വിമാനത്താവളത്തിൽ അതിഥികൾക്ക് പൂച്ചെണ്ടുകൾ നൽകിയാണ് സംഘാടകർ വരവേറ്റത്.
ചിത്രരചന മത്സര വിജയികളെ ഹാർമോണിയസ് കേരളയിൽ പ്രഖ്യാപിക്കും
മനാമ: ‘ഗൾഫ് മാധ്യമം’ മാർച്ച് 29 ന് ലുലു ഹൈപ്പർമാർക്കറ്റിെൻറ സഹകരണത്തോടെ സംഘടിപ്പിച്ച ചിത്രരചന മത്സര വിജയികളെ ഹാർമോണിയസ് കേരള വേദിയിൽ പ്രഖ്യാപിക്കും. ഇവർക്കുള്ള സമ്മാനദാനവും നടക്കും. ഹാർമോണിയസ് കേരളയുടെ പ്രചാരണാർഥമാണ് സനാബീസ് ലുലു ഹൈപ്പർമാർക്കറ്റിൽ കുട്ടികളുടെ വിവിധ തലങ്ങളിലായി ചിത്രരചന മത്സരം നടന്നത്. ആവേശകരമായ പങ്കാളിത്തമായിരുന്നു മത്സരത്തിൽ ഉണ്ടായത്. പ്രായം അഞ്ച് മുതൽ ഒമ്പത് വയസ് പൂർത്തിയാകാത്തവർവരെ, ഒമ്പത് മുതൽ 12 വയസ് പൂർത്തിയാകാത്തവർവരെ,12 മുതൽ 15 വയസ് പൂർത്തിയാകാത്തവർ വരെ, 15 മുതൽ 18 വയസ് തികയാത്തവർവരെ എന്നിങ്ങനെയുള്ള നാല് വിഭാഗങ്ങളിലായാണ് മത്സരം നടന്നത്.
വരയുടെ ലോകത്ത് അത്ഭുതങ്ങൾ സൃഷ്ടിക്കാൻ ശേഷിയുള്ള പ്രതിഭകളുടെ മാറ്റുരക്കലിനാണ് മത്സരവേദി പശ്ചാത്തലമായത്.
ജനകീയത പ്രകടമായ പ്രചാരണ പ്രവർത്തനങ്ങൾ
മനാമ: മാസങ്ങളായി നടന്ന പ്രചാരണ പ്രവർത്തനങ്ങളാണ് ഹാർമോണിയസ് കേരളക്കായി നടന്നത്. ബഹ്റൈൻ മലയാളി സമൂഹത്തിലെ സമസ്ത മേഖലകളിലുമുള്ള ആളുകളുടെ പ്രാതിനിധ്യം ഉറപ്പാക്കിയ അണിയറ ഒരുക്കങ്ങളാണ് ഇതുവരെ നടന്നത്.
ഹാർമോണിയസ് കേരള, മലയാളി സമൂഹത്തിെൻറ സമ്പൂർണ്ണ െഎക്യം പ്രകടമാകുന്ന സംഗമം കൂടിയാകും. ഹാർമോണിയസ് കേരളക്കായി കഴിഞ്ഞ മാർച്ച് 12 ന് 330 അംഗ സ്വാഗതസംഘമാണ് രൂപവത്ക്കരിച്ചത്. ചെറുതും വലുതുമായ മലയാളി സംഘടനകളുടെ പ്രതിനിധികളെ പെങ്കടുപ്പിച്ചാണ് സ്വാഗതസംഘ ഭാരവാഹികളെ പ്രഖ്യാപിച്ചതും. തുടർന്ന് മാർച്ച് 15 ന് ഒരുമയുടെ ആഘോഷവുമായി വാക്കത്തോൺ അറാദ് പാർക്കിൽ നടന്നു. വൻജനക്കൂട്ടമാണ് കൂട്ടനടത്തത്തിൽ സംബന്ധിക്കാൻ എത്തിയത്. വനിതകളും കുട്ടികളും ഉൾപ്പെടെയുള്ളവരുടെ പങ്കാളിത്തം ഏറെ ശ്രദ്ധേയമായിരുന്നു. സംഘടനകൾ തങ്ങളുടെ ബാനറിന് കീഴിലായി അംഗങ്ങളെ ഉൾപ്പെടുത്തിയായിരുന്നു വാക്കത്തോണിൽ അണിനിരന്നത്.
തുടർന്ന് ഹാർമോണിയസ് കേരളയുടെ ടിക്കറ്റുകൾ വിൽപ്പന നടത്താൻ ഗൃഹസന്ദർശന പരിപാടികളും വ്യാപകമായ കാമ്പയിനുകളും നടത്തി. ആവേശത്തോടെയാണ് ടിക്കറ്റുകൾ ഏറ്റുവാങ്ങാൻ ജനം തയ്യാറായത്. ഹാർമോണിയസ് കേരള ബഹ്റൈൻ മലയാളികളുടെ ഹൃദയത്തിൽ എന്നും ഒാർക്കാൻ കഴിയുന്ന അനുഭവമാകുമെന്നാണ് പ്രവാസികളുടെ വിലയിരുത്തലും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.