Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightBahrainchevron_rightഇന്ത്യക്കായി...

ഇന്ത്യക്കായി കൈകോർത്ത്​ സംഘടനകൾ

text_fields
bookmark_border
ഇന്ത്യക്കായി കൈകോർത്ത്​ സംഘടനകൾ
cancel
camera_alt

ബ​ഹ്​​റൈ​ൻ സം​ഭാ​വ​ന ചെ​യ്​​ത ദ്ര​വീ​കൃ​ത ഒാ​ക്​​സി​ജ​ൻ ക​ഴി​ഞ്ഞ​ദി​വ​സം മം​ഗ​ളൂ​രു തു​റ​മു​ഖ​ത്ത്​ എ​ത്തി​യ​പ്പോ​ൾ 

മനാമ: കോവിഡ്​ രോഗികൾ ഏറുന്നതിനാൽ ഇന്ത്യയിലേക്ക്​ കൂടുതൽ ഒാക്​സിജൻ സിലിണ്ടറുകൾ അയക്കാനുള്ള ദൗത്യം ഏറ്റെടുത്ത്​ പ്രവാസി സംഘടനകൾ. ഇന്ത്യൻ എംബസിയുടെ ആഭിമുഖ്യത്തിലാണ്​ ഇതിന്​ ശ്രമം നടക്കുന്നത്​. ഏതാനും ദിവസങ്ങൾക്കുള്ളിൽ ഒാക്​സിജൻ സിലിണ്ടറുകളും കോൺസൻട്രേറ്ററുകളും അയക്കാനുള്ള ​ഒരുക്കത്തിലാണ്​ ഇന്ത്യൻ എംബസി.

ബഹ്​റൈൻ സർക്കാർ ഇന്ത്യക്ക്​ സംഭാവന ചെയ്​ത 40 മെട്രിക്​ ടൺ ദ്രവീകൃത ഒാക്​സിജൻ ബുധനാഴ്​ച മംഗളൂരു തുറമുഖത്ത്​ എത്തിയിരുന്നു. കൂടുതൽ ഒാക്​സിജൻ ആവശ്യമുള്ള സാഹചര്യത്തിലാണ്​ സംഘടനകൾ മുഖേന നീക്കം ആരംഭിച്ചത്​. ഒാക്​സിജൻ സിലിണ്ടറുകൾക്കുള്ള വിഭവ സമാഹരണം ബഹ്​റൈൻ കേരളീയ സമാജം കഴിഞ്ഞദിവസം ആരംഭിച്ചിരുന്നു. 200ഒാളം സിലിണ്ടറുകൾക്കുള്ള വാഗ്​ദാനം ലഭിച്ചതായി സമാജം പ്രസിഡൻറ്​ പി.വി. രാധാകൃഷ്​ണ പിള്ള പറഞ്ഞു. ഒാക്​സിജൻ സിലിണ്ടറുകൾ ഇന്ത്യയിലേക്ക്​ അയക്കുന്നതിന്​ എംബസിയുമായി സഹകരിക്കാൻ​ സമാജം ഉൾപ്പെടെ 12ഒാളം സംഘടനകളാണ്​ മുന്നോട്ടുവന്നത്​.

ഒാക്​സിജൻ, ഒാക്​സിജൻ സിലിണ്ടർ, ഒാക്​സിജൻ കോൺസൻട്രേറ്റർ, മരുന്ന്​ എന്നിവയാണ്​ ഇന്ത്യയിലേക്ക്​ അത്യാവശ്യം​. എന്നാൽ, ബഹ്​റൈനിൽ​ ലഭ്യം​ ഒാക്​സിജൻ സിലിണ്ടറുകളും ഒാക്​സിജൻ കോൺസൻട്രേറ്ററുകളുമാണ്​. അതിനാൽ ഇതു രണ്ടും അയക്കാനാണ്​ ലക്ഷ്യമിടുന്നത്​. പ്രതിസന്ധി ഘട്ടത്തിൽ മാതൃരാജ്യത്തെ സഹായിക്കാനുള്ള ചുമതല ആവേശത്തോടെയാണ്​ സംഘടനകൾ ഏറ്റെടുത്തത്​. പ്രവാസികളുടെ ഒത്തൊരുമിച്ച പ്രവർത്തനത്തിലൂടെ ഇന്ത്യക്ക്​ കൂടുതൽ ആശ്വാസം എത്തിക്കാൻ കഴിയുമെന്ന പ്രതീക്ഷയിലാണ്​ സംഘടനകൾ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:oxygen cylinder​Covid 19
News Summary - Hand in hand organizations for India
Next Story