കാണാക്കാഴ്​ചകളുമായി ‘അറേബ്യൻ സഫാരി’ ബഹ്​റൈൻ വിപണിയിൽ 

മനാമ: ‘ഗൾഫ്​ മാധ്യമം’ കുടുംബത്തി​​​െൻറ പുതിയ ട്രാവൽ മാഗസിൽ ‘​അറേബ്യൻ സഫാരി’ ബഹ്​റൈനിൽ വിപണിയിൽ ലഭ്യമായി തുടങ്ങി. കഴിഞ്ഞ മാസം ജിദ്ദയിൽ ‘ഗൾഫ്​ മാധ്യമം’ നടത്തിയ ‘എജുകഫേ’ വേദിയിലായിരുന്നു പ്രകാശനം.പുതുതലമുറയുടെ താൽപര്യങ്ങൾക്കനുസരിച്ചുള്ള സമ്പൂർണ യാത്ര മാഗസിനാണ്​ ‘​അറേബ്യൻ സഫാരി’. ഒമ്പതു രാജ്യങ്ങളും 12 വൻ നഗരങ്ങളും നൂറിലേറെ ലക്ഷ്യസ്ഥാനങ്ങളും വായനക്കാരിലെത്തിക്കുന്ന പ്രഥമ ലക്കത്തിൽ അറേബ്യയാണ്​ ഫോക്കസ്​. 13 പ്രവിശ്യകളിൽ പരന്നുകിടക്കുന്ന സൗദി അറേബ്യയുടെ യാത്ര സാധ്യതകളാണ്​ മാഗസിൻ പ്രധാനമായും അ​േന്വഷിക്കുന്നത്. ജോർഡൻ, ഇൗജിപ്​ത്​, തുർക്കി എന്നിവക്ക്​ പുറമേ, കുവൈത്ത്​, ബഹ്​റൈൻ, യു.എ.ഇ, ഖത്തർ, ഒമാൻ എന്നീ ജി.സി.സി രാഷ്​ട്രങ്ങളുടെയും പ്രാഥമിക യാത്ര വിവരങ്ങൾ ഇതിൽ ഉൾക്കൊള്ളിച്ചിരുക്കുന്നു. ഒരു ഇന്ത്യക്കാരന്​ ഇത്തരം രാജ്യങ്ങളിൽ വിസ ലഭിക്കുന്നതിന്​ വേണ്ട നടപടിക്രമങ്ങൾ, ശ്രദ്ധിക്കേണ്ട കാര്യങ്ങൾ, വിവിധ കേ​​ന്ദ്രങ്ങളിലേക്കുള്ള ഫീസ്​ എന്നിവ നൽകിയിട്ടുണ്ട്​. 

മലയാളത്തി​​​െൻറ ഒന്നാംനിര എഴുത്തുകാരനും സഞ്ചാര സാഹിത്യകാരനുമായ സക്കറിയ, ‘ദൈവത്തി​​​െൻറ പുസ്​തകം’ എന്ന ഇതിഹാസ മാനമുള്ള ഒടുവിലത്തെ നോവലിലൂ​െട പ്രവാസി വായനക്കാരുടെ ഇഷ്​ടക്കാരനായ കെ.പി രാമനുണ്ണി, മരുഭൂമിയുടെ ജീവചരിത്രകാരനായ വി. മുസഫർ അഹമ്മദ്​ എന്നിവരുടെ സാന്നിധ്യമാണ്​ ഇൗ മാഗസിനെ ശ്രദ്ധേയമാക്കുന്നത്​. സൗദി അറേബ്യയെ കുറിച്ചുള്ള ‘പ്രവാചക​​​െൻറ നാട്ടിൽ’ എന്ന യാത്ര വിവരണ ഗ്രന്ഥത്തി​​​െൻറ തുടർച്ചയാണ്​ സക്കറിയയുടെ ‘മദായിൻ സ്വാലിഹിൽ നിന്ന്​ പെട്രയി ലേക്ക്​’ എന്ന ലേഖനം. 

സൗദിയിലെ മദായിൽ സ്വാലിഹും ജോർഡനിലെ പെട്രയും തമ്മില​ുള്ള അസാമാന്യമായ ​െഎക്യത്തെക്കുറിച്ച്​ അദ്ദേഹം വിശദീകരിക്കുന്നു. 
സൗദി അറേബ്യ കാണാതെ പ്രവാചക​​​െൻറ അറേബ്യയെ കുറിച്ച്​ എഴുതിയതാണ്​ കെ.പി രാമനുണ്ണി. കാണാതെ എഴുതിയ നാടിനെ കണ്ടതി​​​െൻറ അത്യാവേശകരമായ അനുഭവ വിവരണമാണ്​ അദ്ദേഹത്തി​​​െൻറ ലേഖനം.

മരുഭൂമിയെ കുറിച്ച്​ വായിക്കുന്നവർക്ക്​ മു​ഖവുര വേണ്ടാത്ത നാമമാണ്​ വി. മുസഫർ അഹമ്മദ്​. മരുഭൂമിയെ കുറിച്ചും അതിലെ ജീവിതത്തെ കുറിച്ചും മലയാളി വായിച്ചുതുടങ്ങിയത്​ മുസഫറി​​​െൻറ ലേഖനങ്ങൾ വഴിയാണ്​. ദീർഘകാലം സൗദിയിൽ ജീവിച്ച അദ്ദേഹത്തി​​​െൻറ ഒാർകളിലേക്കുള്ള ഒരു മടക്കമാണ്​ ‘റിവേഴ്​സ്​ നൊസ്​റ്റാൾജിയയിൽ മരൂഭൂത്താരകൾ’ എന്ന ലേഖനം. ഇതിന്​ പുറമേ, സൗദി അറേബ്യയുടെ അയൽ രാഷ്​ട്രവും ഇവിട​െത്ത സഞ്ചാരികളുടെ ഇഷ്​ടപ്രദേശവുമായ ജോർഡാനിലേക്കുള്ള യാത്രയും അതി​​​െൻറ സാ​േങ്കതിക വിവരങ്ങളും വിശദമായി തന്നെ വായിക്കാം.  പെട്ര, അഖബ, കറാക്​, ശോബക്​, ചാവുകടൽ, ബാപ്​റ്റിസം സൈറ്റ്​, മാദബ, എന്നിവക്കൊപ്പം അമ്മാൻ നഗരത്തി​​​െൻറ സമഗ്ര വിവരണവും.  

സംസ്​കാരത്തി​​​െൻറ കളിത്തൊട്ടിലായ ഇൗജിപ്​തും അവിടത്തെ പിരമിഡുകളും ഏതുകാലത്തും ഏതുസഞ്ചാരിക്കും കൗതുകകാഴ്​ചയാണ്​. കൈറോ നഗരവും നൈലും മെഡിറ്ററേനിയൻ തീരത്തെ അലക്​സാൻഡ്രിയ പട്ടണവുമൊക്കെ ഇൗ താളുകളിൽ നിറഞ്ഞുനിൽക്കുന്നു. ഇൗ കാഴ്​ചകളിലേക്കാണ്​ ‘അറേബ്യൻ സഫാരി’യുടെ താളുകൾ ക്ഷണിക്കുന്നത്​. ഒരു ദിനാറാണ്​ വില.