ഗള്‍ഫ് യൂനിയന്‍ െഫര്‍ട്ടിലൈസേഴ്‌സ് സമ്മേളനത്തിന് തുടക്കമായി 

മനാമ: എട്ടാമത് ഗള്‍ഫ് യൂനിയന്‍ ഫെര്‍ട്ടിലൈസേഴ്‌സ് സമ്മേളനത്തിന് കഴിഞ്ഞ ദിവസം തുടക്കമായി. എണ്ണ  മന്ത്രി ശൈഖ് മുഹമ്മദ് ബിന്‍ ഖലീഫ ആല്‍ഖലീഫ റിറ്റ്​സ്​ കാള്‍ട്ടണ്‍ ഹോട്ടലില്‍ സമ്മേളനം ഉദ്ഘാടനം െചയ്തു. ആദ്യമായാണ്​ ഇൗ സമ്മേളനം ബഹ്‌റൈനിൽ നടക്കുന്നത്​. സമ്മേളനത്തില്‍ വിവിധ രാജ്യങ്ങളില്‍ നിന്നുള്ള പ്രതിനിധികൾ പങ്കെടുക്കുന്നുണ്ട്. ജി.സി.സി രാഷ്​ട്രങ്ങള്‍, യു.എസ്, യു.കെ, ചൈന തുടങ്ങിയവിടങ്ങളിൽ നിന്നുള്ള പ്രമുഖ കമ്പനി മേധാവികളും പങ്കെടുക്കുന്ന പരിപാടി മൂന്ന് ദിവസം നീണ്ടു നില്‍ക്കും. ഗള്‍ഫ് െപട്രോകെമിക്കല്‍ കമ്പനിയുടെ സഹകരണത്തോടെ നടക്കുന്ന സമ്മേളനത്തില്‍ അന്താരാഷ്​ട്ര തലത്തില്‍ ഈ മേഖലയില്‍ നടക്കുന്ന പുതിയ കണ്ടുപിടുത്തങ്ങളും പരീക്ഷണങ്ങളും പരിചയപ്പെടുത്തുമെന്ന് ബന്ധപ്പെട്ടവര്‍ അറിയിച്ചു.