ഇന്ത്യൻ ഡിലൈറ്റ്​സ്​ റസ്​റ്റാറൻറിൽ ഗൾഫ്​ മാധ്യമം 'രുചി' ലഭിക്കും

മനാമ: സൽമാനിയയിലെ ഇന്ത്യൻ ഡിലൈറ്റ്​ റസ്​റ്റാറൻറ്​ വഴി ഗൾഫ്​ മാധ്യമം 'രുചി' സൗജന്യമായി ലഭിക്കാനുള്ള അവസരം. മലയാളിയുടെ രുചിമുകുളങ്ങളെ ത്രസിപ്പിക്കുന്ന ഭക്ഷണവൈവിധ്യങ്ങളുമായാണ്​ ഇത്തവണ 'രുചി' ഇയർബുക്ക്​ ബഹ്​റൈൻ വിപണിയിലെത്തിയിരിക്കുന്നത്​.

പ്രതിരോധശേഷി വെല്ലുവിളി നേരിടുന്ന കോവിഡ്​ കാലഘട്ടത്തിൽ നമ്മുടെ ഇഷ്​ടവിഭവങ്ങൾ എങ്ങനെ തയാറാക്കാം എന്നതാണ്​ 'രുചി' പുതിയ ലക്കത്തിലൂടെ പരിചയപ്പെടുത്തുന്നത്​. അടൂർ ഗോപാലകൃഷ്​ണൻ, ഇന്ദ്രൻസ്​, ഉമ്മൻ ചാണ്ടി, എം.എം. മണി എന്നിവരുടെ രുചിയോർമകൾ, 121 റസിപ്പികൾ, ആരോഗ്യദായകമായ 13 തരം സൂപ്പുകൾ, ഫുഡ്​ വ്ലോഗ്​ വി​േശഷങ്ങൾ എന്നിവയാണ്​ ഇത്തവണത്തെ പ്രധാന ആകർഷണങ്ങൾ.

സൽമാനിയയിലെ ഇന്ത്യൻ ഡിലൈറ്റ്​ റസ്​റ്റാറൻറ്​ വഴി ഞായറാഴ്​ച മുതൽ ആദ്യത്തെ നൂറ്​ പേർക്കാണ്​ 'രുചി' സൗജന്യമായി ലഭിക്കുക.