ബ്രിട്ടീഷ് സഹമന്ത്രിയെ ദക്ഷിണ മേഖല ഗവര്‍ണര്‍ സ്വീകരിച്ചു

മനാമ: ബഹ്റൈന്‍ സന്ദര്‍ശനത്തിന്​ എത്തിയ അമേരിക്കന്‍-യൂറോപ്യന്‍ കാര്യങ്ങള്‍ക്കായുള്ള ബ്രിട്ടീഷ് സഹ മന്ത്രി സര്‍ അലന്‍ ദോന്‍കാനെ ദക്ഷിണ മേഖല ഗവര്‍ണര്‍ ശൈഖ് ഖലീഫ ബിന്‍ അലി ബിന്‍ ഖലീഫ ആല്‍ ഖലീഫ സ്വീകരിച്ചു. ബഹ്റൈനും ബ്രിട്ടനും തമ്മിലുള്ള ബന്ധവും വിവിധ മേഖലകളിലെ സഹകരണവും ചര്‍ച്ച ചെയ്​ത ഇരുവരും ദക്ഷിണ ഗവര്‍ണറേറ്റും ബ്രിട്ടനും തമ്മില്‍ സഹകരിക്കുന്നതിനുള്ള സാധ്യതകളും ആരാഞ്ഞു. താല്‍പര്യമുള്ള വിവിധ മേഖലകളില്‍ ഗവര്‍ണറേറ്റുമായി സഹകരിക്കാന്‍ ഒരുക്കമാണെന്ന് മന്ത്രി അലന്‍ വ്യക്തമാക്കി.
ബഹ്റൈനിലെ ബ്രിട്ടീഷ് അംബാസഡര്‍ സൈമണ്‍ മാര്‍ട്ടിന്‍, യു.കെയിലെ ബഹ്റൈന്‍ അംബാസഡര്‍ ശൈഖ് ഫവാസ് ബിന്‍ മുഹമ്മദ് ആല്‍ ഖലീഫ എന്നിവരും കൂടിക്കാഴ്​ചയില്‍ സന്നിഹിതരായിരുന്നു.