ജി.സി.സിതല റെഡ്ക്രസന്‍റ്  യോഗത്തില്‍ ബഹ്റൈന്‍ സാന്നിധ്യം

മനാമ: റിയാദില്‍ നടന്ന ജി.സി.സിതല റെഡ്ക്രസന്‍റ് യോഗത്തില്‍ ബഹ്റൈന്‍ റെഡ്ക്രസന്‍റ് സൊസൈറ്റി പ്രതിനിധികള്‍ പങ്കെടുത്തു. റെഡ്ക്രസന്‍റിന്‍െറ ജി.സി.സി രാഷ്ട്രങ്ങളിലെ പ്രവര്‍ത്തനങ്ങള്‍ ഏകീകരിക്കുന്നതിനുള്ള ചര്‍ച്ചകള്‍ യോഗത്തില്‍ നടന്നു. ബഹ്റൈന്‍ റെഡ്ക്രസന്‍റ് സൊസൈറ്റി ജനറല്‍ സെക്രട്ടറി ഡോ. ഫൗസി അമീന്‍, ഡയറക്ടര്‍ മുബാക് അല്‍ഹാദി എന്നിവരാണ് യോഗത്തില്‍ പങ്കെടുത്തത്. 
വിവിധ സേവന പ്രവര്‍ത്തനങ്ങളില്‍ റെഡ്ക്രസന്‍റും റെഡ്ക്രോസും സഹകരിക്കുന്നതിന്‍െറ സാധ്യതകള്‍ പ്രതിനിധികള്‍ ചര്‍ച്ച ചെയ്തു. യമനിലെ സന്നദ്ധ സേവന പ്രവര്‍ത്തനങ്ങള്‍ ശക്തിപ്പെടുത്തുന്നതിനും കൂടുതല്‍ സഹായങ്ങള്‍ എത്തിക്കുന്നതിനും തീരുമാനിച്ചു. 
ജി.സി.സി രാഷ്ട്രങ്ങളിലെ റെഡ്ക്രസന്‍റ് പ്രവര്‍ത്തനങ്ങള്‍ വിശദീകരിക്കുന്ന ഡോക്യുമെന്‍ററിയും പ്രദര്‍ശിപ്പിച്ചു.