സംരക്ഷണത്തി​െൻറ കുളിർമയിൽ ഗലാലിയിലെ കെന്നാർമരങ്ങൾ

മനാമ: സീസൺ അവസാനിക്കാൻ കുറച്ച്​ ആഴ്​ച്ചകളെ ഉള്ളൂ​​​​​​വെങ്കിലും കെന്നാർ പഴങ്ങൾ വിപണിയിൽ ചൂടപ്പം പോ​െലയാണ്​ വിറ്റുപോകുന്നത്​. ബഹ്​റൈ​​​െൻറ വിവിധ ഭാഗങ്ങളിൽ ഇൗ പഴങ്ങളുടെ കാഴ്​ച്ച സാധാരണയാണെങ്കിലും ഗലാലിയിലെ കെന്നാർ മരങ്ങളിലെ കനികൾ ചാരുതയാണ്​. ഗലാലിയിൽ വളരെയേറെ കാലമായി  സംരക്ഷിച്ചുപോരുന്ന മരങ്ങളാണിവ. ഇതിലെ പഴങ്ങൾ സ്വദേശികൾക്കൊപ്പം തന്നെ വിദേശികൾക്കും ഏറെ ഇഷ്​ടമാണ്​.  വിപണിയിൽ  ഇതിനു  ഒന്നര ദിനാർ വിലയുണ്ട് . 

മരച്ചുവട്ടിൽ കിടക്കുന്ന പഴങ്ങൾ പെറുക്കിയെടുത്ത്   പുറത്ത് വിൽപ്പന നടത്തുന്ന വിദേശികളുമുണ്ട്. നവംബർ മുതൽ  മാർച്ച് വരെയാണ് പഴങ്ങൾ ഉണ്ടാകുന്നത്. 
മുമ്പ്​ രാജ്യത്തി​​​െൻറ പല ഗ്രാമങ്ങളിലും ഇൗ  മരങ്ങൾ വ്യാപകമായി ഉണ്ടായിരുന്നു. എന്നാൽ കെട്ടിടങ്ങൾ പണിയുന്നതിനായി പല സ്ഥലങ്ങളിലും മരങ്ങൾ  പിഴുതുമാറ്റി. ഗലാലിയിലാക​െട്ട ഇവിടത്തുകാർ  മരങ്ങൾക്ക്  വെള്ളവും വളവും നൽകി  സംരക്ഷിക്കുകയാണ്​.

വിത്തുകൾ മുളപ്പിച്ച്​ നട​ുകയും ചെയ്യുന്നു. ഫലത്തിൽ ഹരിതാകരമായ അവസ്ഥക്ക്​ ഇവിടത്തുകാർ ചെയ്യുന്നത്​ മാതൃകയാർന്ന പ്രവൃത്തിയുമാണ്​. കെന്നാർ  എന്നും  ബേർ  എന്നും അറിയപ്പെടുന്ന പഴത്തിന് ജുജൂബ് , ചൈനീസ് ആപ്പിൾ, ഇന്ത്യൻ പ്ലം  എന്നിങ്ങനെ  വിളിക്കുന്നുണ്ട്​. ഇവ തണൽമരം കൂടിയാണ്​. നിരവധി ഒൗഷധ ഗുണങ്ങൾ കൂടിയുള്ളതാണ്​ കേന്നാർ പഴങ്ങൾ. ഉദര സംബന്​ധമായ അസുഖങ്ങൾക്ക്​ ഇവ മരുന്നാണെന്നും ചൂണ്ടിക്കാട്ടപ്പെടുന്നു.  ജ്യൂസിനും അച്ചാറിനും ഇത് ഉപയോഗിക്കാറുണ്ട്.