ഇന്ധനവില പരിഷ്കരിച്ചു; പുതിയ നിരക്കുകൾ പ്രാബല്യത്തിൽ

മനാമ: രാജ്യത്തെ പ്രതിമാസ ഇന്ധന വിലനിർണ്ണയ സംവിധാനത്തിന്റെ ഭാഗമായി ഫ്യുവൽ പ്രൈസ് മോണിറ്ററിങ് കമ്മിറ്റിയുടെ അംഗീകാരത്തോടെ ബഹ്റൈനിൽ പുതിയ ഇന്ധനവില നിലവിൽ വന്നു. പുതുക്കിയ നിരക്കുകൾ പ്രകാരമുള്ള ഇന്ധനവില താഴെ പറയുന്നതാണ്: ജയ്യിദ് (91): ലിറ്ററിന് 0.222 ദീനാർ, മുംതാസ് (95): ലിറ്ററിന് 0.247 ദീനാർ, സൂപ്പർ (98): ലിറ്ററിന് 0.362 ദീനാർ, ഡീസൽ: ലിറ്ററിന് 0.229 ദീനാർ. വില ഘടനയിൽ മാറ്റങ്ങൾ വരുത്തിയെങ്കിലും ബഹ്റൈനി മത്സ്യത്തൊഴിലാളികൾക്കുള്ള ഡീസൽ സബ്‌സിഡി തുടരുമെന്ന് ഫ്യുവൽ പ്രൈസ് മോണിറ്ററിങ് കമ്മിറ്റി സ്ഥിരീകരിച്ചിട്ടുണ്ട്.