ആഗസ്​റ്റ്​ ഒന്നു​ മുതൽ യെല്ലോ ലെവലിലേക്ക്

മ​നാ​മ: 40​ വ​യ​സി​നും അ​തി​നു​മു​ക​ളി​ലും പ്രാ​യ​മു​ള്ള 80 ശ​ത​മാ​നം പേ​ർ​ക്കും കോ​വി​ഡ്​ പ്ര​തി​രോ​ധ വാ​ക്​​സി​ൻ ബൂ​സ്​​റ്റ​ർ ഡോ​സ്​ ന​ൽ​കു​ന്ന​തു​വ​രെ യെ​ല്ലോ ജാ​ഗ്ര​ത ലെ​വ​ൽ ന​ട​പ്പാ​ക്കു​മെ​ന്ന്​ കോ​വി​ഡ്​ പ്ര​തി​രോ​ധ​ത്തി​നു​ള്ള നാ​ഷ​ന​ൽ മെ​ഡി​ക്ക​ൽ ടീം ​അ​റി​യി​ച്ചു. നി​ല​വി​ൽ ഗ്രീ​ൻ ലെ​വ​ൽ ജാ​ഗ്ര​ത​യാ​ണ്​ രാ​ജ്യം പി​ന്തു​ട​രു​ന്ന​ത്. ആ​ഗ​സ്​​റ്റ്​ ഒ​ന്നു​മു​ത​ൽ യെ​ല്ലോ ലെ​വ​ലി​ലേ​ക്ക്​ മാ​റും.

വി​വി​ധ രാ​ജ്യ​ങ്ങ​ളി​ൽ കോ​വി​ഡ്​ വൈ​റ​സി​െൻറ ഡെ​ൽ​റ്റ വ​ക​ഭേ​ദം വ്യാ​പി​ക്കു​ന്ന സാ​ഹ​ച​ര്യ​ത്തി​ൽ ബ​ഹ്​​റൈ​നി​ൽ ഇ​നി​മു​ത​ൽ ട്രാ​ഫി​ക് ലൈ​റ്റ് സം​വി​ധാ​ന​മ​നു​സ​രി​ച്ച്​ റെ​ഡ്, ഒാ​റ​ഞ്ച്, യെ​ല്ലോ​ ജാ​ഗ്ര​ത ലെ​വ​ലു​ക​ളാ​ണ്​ ഉ​ണ്ടാ​വു​ക. ഗ്രീ​ൻ ലെ​വ​ൽ ത​ൽ​ക്കാ​ലം ഒ​ഴി​വാ​ക്കി.

40 വ​യ​സ്സും അ​തി​ൽ കൂ​ടു​ത​ലും പ്രാ​യ​മു​ള്ള, ര​ണ്ട് ഡോ​സ് സി​നോ​ഫാം സ്വീ​ക​രി​ച്ച​വ​ർ​ക്ക്​ ബൂ​സ്​​റ്റ​ർ ഡോ​സ് സ്വീ​ക​രി​ക്കു​ന്ന​തി​നു​ള്ള കാ​ല​യ​ള​വ് ഒ​രു മാ​സ​മാ​യി കു​റ​ച്ച​താ​യി നാ​ഷ​ന​ൽ മെ​ഡി​ക്ക​ൽ ടീം ​അം​ഗം ഡോ. ​വ​ലീ​ദ് അ​ൽ മാ​നി​അ്​ പ​റ​ഞ്ഞു. ഇൗ ​പ്രാ​യ വി​ഭാ​ഗ​ത്തി​ലു​ള്ള​വ​ർ​ക്ക്​ ബി ​അ​വെ​യ​ർ ആ​പ്ലി​ക്കേ​ഷ​നി​ലെ ലോ​ഗോ​യു​ടെ നി​റം ആ​ഗ​സ്​​റ്റ്​ 31ന്​ ​മ​ഞ്ഞ​യി​ലേ​ക്ക് മാ​റും.

ബൂ​സ്​​റ്റ​ർ ഡോ​സ്​ സ്വീ​ക​രി​ക്കാ​ൻ സ​മ​യ​മാ​യെ​ന്ന്​ സൂ​ചി​പ്പി​ക്കാ​നാ​ണ്​ ഇ​ത്. ബൂ​സ്​​റ്റ​ർ ഡോ​സ് എ​ടു​ത്ത ശേ​ഷം ലോ​ഗോ വീ​ണ്ടും പ​ച്ച​യാ​യി മാ​റും. ബി ​അ​വെ​യ​ർ ആ​പ്​ വ​ഴി​യും www.healthalert.gov.bh എ​ന്ന ആ​രോ​ഗ്യ മ​ന്ത്രാ​ല​യ​ത്തി​െൻറ വെ​ബ്​​സൈ​റ്റ്​ വ​ഴി​യും ബൂ​സ്​​റ്റ​ർ ഡോ​സി​ന്​ ര​ജി​സ്​​റ്റ​ർ ചെ​യ്യാം.

40 വ​യ​സ്സും അ​തി​ൽ കൂ​ടു​ത​ലു​മു​ള്ള​വ​രി​ൽ 80 ശ​ത​മാ​നം പേ​രും ബൂ​സ്​​റ്റ​ർ ഡോ​സ്​ വാ​ക്​​സി​നേ​ഷ​ൻ പൂ​ർ​ത്തി​യാ​ക്കി​യ ശേ​ഷം ചു​വ​പ്പ്, ഓ​റ​ഞ്ച്, മ​ഞ്ഞ, പ​ച്ച ലെ​വ​ലു​ക​ളി​ലേ​ക്കു​ള്ള മാ​റ്റം ശ​രാ​ശ​രി ടെ​സ്​​റ്റ്​ പോ​സി​റ്റി​വി​റ്റി നി​ര​ക്ക്​ അ​ടി​സ്ഥാ​ന​മാ​ക്കി തീ​രു​മാ​നി​ക്കും.

വാ​ക്​​സി​നേ​ഷ​െൻറ ഫ​ല​പ്രാ​പ്​​തി വ​ർ​ധി​പ്പി​ച്ച്​ കോ​വി​ഡ്​ ല​ക്ഷ​ണ​ങ്ങ​ളു​ടെ കാ​ഠി​ന്യം കു​റ​ക്കാ​ൻ ബൂ​സ്​​റ്റ​ർ ഡോ​സ് സ​ഹാ​യി​ക്കു​മെ​ന്ന്​ നാ​ഷ​ന​ൽ മെ​ഡി​ക്ക​ൽ ടീം ​അം​ഗം ല​ഫ്. കേ​ണ​ൽ ഡോ. ​മ​നാ​ഫ്​ അ​ൽ ഖ​ഹ്​​താ​നി പ​റ​ഞ്ഞു. ജൂ​ലൈ 27 വ​രെ 1,31,192 പേ​രാ​ണ്​ ബൂ​സ്​​റ്റ​ർ ഡോ​സ്​ സ്വീ​ക​രി​ച്ച​ത്. ബൂ​സ്​​റ്റ​ർ ഡോ​സ്​ എ​ടു​ത്ത്​ 14 ദി​വ​സ​ത്തി​നു​ശേ​ഷം വൈ​റ​സ്​ ബാ​ധി​ച്ച​ത്​ 71 പേ​ർ​ക്ക്​ മാ​ത്ര​മാ​ണ്. ഇ​ത് 0.05 ശ​ത​മാ​നം മാ​ത്ര​മാ​ണെ​ന്ന്​ അ​ദ്ദേ​ഹം പ​റ​ഞ്ഞു. ഇൗ ​വി​ഭാ​ഗ​ത്തി​ലു​ള്ള​വ​രി​ൽ ആ​ർ​ക്കും ഹോ​സ്​​പി​റ്റ​ൽ ചി​കി​ത്സ​വേ​ണ്ടി​വ​ന്നി​ല്ലെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി.