ശാരീരിക വെല്ലുവിളി നേരിടുന്നവർക്ക്​ നാല്​ ശതമാനം സംവരണം ;ശൂറ കൗൺസിൽ അംഗീകാരം

മനാമ: ശാരീരിക വെല്ലുവിളി നേരിടുന്നവർക്ക്​ കമ്പനികളിൽ നാല്​ ശതമാനം സംവരണം വേണമെന്ന നിർദേശത്തിന്​ ശൂറ കൗൺസിൽ അംഗീകാരം. നേരത്തെ ഇത്​ രണ്ട്​ ശതമാനമായിരുന്നു. 50 ലധികം ജീവനക്കാരുള്ള കമ്പനികൾക്കാണ്​ ഇത്​ ബാധകമാവുക. തൊഴിൽ വിപണിയിൽ ശാരീരിക വെല്ലുവിളിയുള്ളവരെ കൂടുതൽ ഉൾപ്പെടുത്തുവാനും അതുവഴി അവരുടെ കുടംബങ്ങൾക്ക്​ താങ്ങായി മാറാനും ഇത്​ വഴിയൊരുക്കുമെന്നാണ്​ കരുതുന്നത്​. ശാരീരിക വെല്ലുവിളിയുടെ തോതനുസരിച്ചായിരിക്കും ഇവരുടെ തൊഴിൽ വിഭജനമുണ്ടാകേണ്ടതെന്നും നിഷ്​കർഷിച്ചിട്ടുണ്ട്​.