പ്രേക്ഷകരെ ത്രസിപ്പിച്ച നാലു മണിക്കൂർ

മ​നാ​മ: പാ​ട്ടി​ന്റെ വൈ​ദ്യു​താ​ലിം​ഗ​ന​ത്താ​ൽ നൂ​റു​ക​ണ​ക്കി​നു​വ​രു​ന്ന സം​ഗീ​ത​​പ്രേ​മി​ക​ൾ ത്ര​സി​ച്ചു​നി​ന്ന ദി​വ​സ​മാ​യി​രു​ന്നു ചൊ​വ്വാ​ഴ്ച. 25 ാം വാ​ർ​ഷി​കാ​ഘോ​ഷ​ത്തോ​ട​നു​ബ​ന്ധി​ച്ച്, ഗ​ൾ​ഫ്മാ​ധ്യ​മം ഏ​ഷ്യ​ൻ സ്കൂ​ളി​ലെ ഗം​ഭീ​ര​മാ​യ വേ​ദി​യി​ൽ സം​ഘ​ടി​പ്പി​ച്ച ‘മ​​ധു​​മ​​യ​​മാ​​യ് പാ​​ടാം’ മെ​ഗാ എ​ന്റ​ർ​ടെ​യ്ൻ​മെ​ന്റ് പ​രി​പാ​ടി അ​ക്ഷ​രാ​ർ​ഥ​ത്തി​ൽ സം​ഗീ​തോ​ത്സ​വ​മാ​യി മാ​റി. എം.​ജി. ശ്രീ​കു​മാ​റി​ന്റെ മാ​യി​ക ശ​ബ്ദ​ത്തി​നൊ​പ്പം പ്രേ​ക്ഷ​ക​ർ ആ​ടി​യും പാ​ടി​യും താ​ള​മി​ട്ടും ആ​ർ​പ്പു​വി​ളി​ച്ചും പ​രി​പാ​ടി ആ​സ്വ​ദി​ച്ചു. നാ​ലു​മ​ണി​ക്കൂ​ർ നീ​ണ്ട പ​രി​പാ​ടി​യി​ൽ ഒ​രു മി​നി​റ്റു​പോ​ലും കാ​ണി​ക​ളെ മ​ടു​പ്പി​ക്കാ​ത്ത രീ​തി​യി​ലാ​യി​രു​ന്നു പാ​ട്ടു​ക​ളു​ടെ സെ​ല​ക്ഷ​ൻ.

പാ​ട്ടി​ന്റെ താ​ളം മു​റു​കി​യ​തോ​ടെ വേ​ദി​യി​ലേ​ക്കോ​ടി​ക്ക​യ​റി​യ കു​ട്ടി​പ്പ​ട്ടാ​ള​ത്തെ ചേ​ർ​ത്തു​നി​ർ​ത്തി പാ​ടാ​നും എം.​ജി അ​ങ്കി​ൾ സ​മ​യം ക​ണ്ടെ​ത്തി. പ്ര​ണ​യ​വും വി​ഷാ​ദ​വും മെ​ല​ഡി​യും ഫാ​സ്റ്റ് ന​മ്പ​റു​ക​ളു​മാ​യി സം​ഗീ​തം മു​റു​കി​യ​പ്പോ​ൾ കാ​ണി​ക​ൾ​ക്ക് അ​ട​ങ്ങി​യി​രി​ക്കാ​ൻ ക​ഴി​ഞ്ഞി​ല്ല. വി​ധു പ്ര​താ​പി​ന്റെ അ​സാ​ധാ​ര​ണ വൈ​ഭ​വ​വും കൂ​ടി​യാ​യ​പ്പോ​ൾ പ​രി​പാ​ടി ജോ​റാ​യി.

ഒ​പ്പം നി​ത്യ മാ​മ്മ​നും ശി​ഖ പ്ര​ഭാ​ക​ര​നും ലി​ബി​ൻ സ​ഖ​റി​യ, അ​സ്‍ലം, റ​ഹ്മാ​ൻ പ​ത്ത​നാ​പു​രം ടീ​മും. കൊ​ട്ടി​ക്ക​യ​റി​യ താ​ള​ത്തി​ന​നു​സ​രി​ച്ച് പ്രേ​ക്ഷ​ക​ർ​ക്കി​ട​യി​ലേ​ക്കി​റ​ങ്ങി അ​വ​താ​ര​ക​ൻ മി​ഥു​ൻ ര​മേ​ഷി​ന്റെ ത​ക​ർ​പ്പ​ൻ പ്ര​ക​ട​നം. കാ​ണി​ക​ളു​ടെ എ​ല്ലാ ആ​വ​ശ്യ​ങ്ങ​ളും പ​രി​ഹ​രി​ച്ചു​കൊ​ണ്ട് സേ​വ​നം ന​ൽ​കി​യ സം​ഘാ​ട​ക സ​മി​തി​യു​ടെ പ്ര​വ​ർ​ത്ത​ന​വും എ​ടു​ത്തു​പ​റ​യ​ത്ത​ക്ക​താ​യി​രു​ന്നു. മു​ഴു​വ​നാ​ളു​ക​ളും നി​റ​ഞ്ഞ മ​ന​സ്സോ​ടെ വീ​ടു​ക​ളി​ലേ​ക്ക് പോ​യ അ​പൂ​ർ​വ അ​നു​ഭ​വം.