ബഹ്​റൈൻ ഫിനാൻസിങ്​ കമ്പനി 35 ലക്ഷം  രൂപ ​ നൽകും

മനാമ: കേരളത്തിലെ ദുരിതാശ്വാസ പ്രവർത്തനങ്ങൾക്ക്​ തുണയായി ബഹ്​റൈനിലെ പ്രമുഖ സ്ഥാപനമായ ബഹ്​റൈൻ ഫിനാൻസിങ്​ കമ്പനി (ബി.എഫ്​.സി). മണി ട്രാൻസ്ഫർ കമ്പനിയായ ബി.എഫ്​.സി 35 ലക്ഷം ഇന്ത്യൻ രൂപ അടിയന്തിരമായി കേരള മുഖ്യമന്ത്രിയുടെ ദുരിതാശ്വാസ പ്രവർത്തന ഫണ്ടിലേക്ക്​ അയക്കുമെന്ന്​ ജനറൽ മാനേജർ പാൻസിലി വർക്കി വാർത്തസമ്മേളനത്തിൽ അറിയിച്ചു.

കേരളം ഇതുവരെ കണ്ടിട്ടില്ലാത്ത പ്രളയ ദുരിതങ്ങൾ അനുഭവിക്കുന്ന സാഹചര്യത്തിലാണ്​ സഹായം നൽകുന്നതെന്ന്​ അ​േദ്ദഹം വ്യക്തമാക്കി. കേരളത്തിലെ പ്രളയവുമായി ബന്​ധപ്പെട്ട്​ ഉണ്ടായിട്ടുള്ള മരണസംഖ്യയും ദുരിതബാധിതരായ ആയിരക്കണക്കിന്​ ആളുകളുടെ അവസ്ഥയും ആശങ്കാജനകമായ അവസ്ഥയാണ്​.  ബി.എഫ്​.സി ​ഹെഡ്​ ഒാഫ്​ ​ട്രഷറി ലെനി മാത്യു, ഹെഡ്​ ഒാഫ്​ ഡീലിങ്​ സോമനാഥൻ കുലങ്ങരെത്ത്​, ഹെഡ്​ ഒാഫ്​ റീട്ടയിൽ സർവീസ്​  ദീപക്​ നായർ, ഹെഡ്​ ഒാഫ്​ കോർപ്പറേറ്റ്​ ബിസിനസ്​ റോഗർ മെനെസെസ്​ എന്നിവർ പ​െങ്കടുത്തു.