മാലിന്യം: വീട്ടിലേക്ക്​ കയറാൻ കഴിയാതെ ഹക്കീമി​െൻറ കുടുംബം

മനാമ: ആലുവ സ്വദേശിയും ബഹ്​റൈൻ പ്രവാസിയുമായ ഹക്കീം പ്രളയബാധിതരിൽ ഒരാളാണ്​. 15 വർഷം കൊണ്ട്​ രക്തം വിയർപ്പാക്കി സമ്പാദിച്ച സാധനങ്ങളെല്ലാം വെള്ളം കയറി നശിച്ചു. എങ്കിലും മഹാദുരന്തത്തിൽ നിന്ന്​ വീട്ടുകാർ രക്ഷപ്പെട്ടു എന്നത്​ ദൈവാനുഗ്രഹമായി കാണുന്നുവെന്നും അദ്ദേഹം പറഞ്ഞു. വെള്ളപ്പൊക്കത്തെ തുടർന്ന്​ താൻ ബഹ്​റൈനിൽ നിന്ന്​ വീട്ടുകാരെ ബന്​ധപ്പെടു​േമ്പാഴും അവർ പ്രളയത്തി​​​െൻറ തീവ്രതയെ കുറിച്ച്​ അറിയാത്ത അവസ്ഥയായിരുന്നു. ആലുവ ശ്രീമുലനഗരം

ചൊവ്വര റെയിൽവെസ്​റ്റേഷ​​​െൻറ മുന്നിലുള്ള വീട്ടിൽ വെള്ളം കയറുമെന്ന്​ ആദ്യമൊന്നും വീട്ടുകാർ വിചാരിച്ചിരുന്നില്ല. എന്നാൽ അതിവേഗത്തിൽ വെള്ളം വന്ന​്​ നിറഞ്ഞപ്പോൾ വീട്ടുകാർ രണ്ടുംകൽപ്പിച്ച്​ പിറകുവശത്തുള്ള വഴിയെ നടന്നു. ശരീരത്തി​​​െൻറ മുക്കാൽ ഭാഗംവരെയും വെള്ളം നിറഞ്ഞ അവസ്ഥയിലായിരുന്നു അത്​. തുടർന്ന്​ വെള്ളം കയറാത്ത ഉയരമുള്ള പ്രദേശത്തെ ഒരു വീട്ടിൽ അവർ അഭയം ​തേടി. നിരവധി കുടുംബങ്ങളും അവിടെ രക്ഷതേടി എത്തിയിരുന്നു.

അടുത്തദിവസം അവിടെയും വെള്ളം എത്തിയതോടെ എല്ലാവരും കൂടി വെള്ളത്തിലൂടെ എട്ട്​ കിലോമീറ്റ​റോളം നടന്ന്​ മറ്റൊരു സ്ഥലത്തെത്തുകയായിരുന്നു. ഞങ്ങളുടെ നാട്ടുകാർ ആ ദിവസങ്ങളിൽ അനുഭവിച്ച വേദന പറഞ്ഞറിയിക്കാൻ കഴിയാത്തതായിരുന്നു എന്നും ഹക്കീം പറയുന്നു. ഇപ്പോഴും വീട്ടിൽ താമസമാക്കാൻ കഴിഞ്ഞിട്ടില്ല. മുറികളിൽ മാലിന്യം മൂടിയ നിലയിലാണ്​ വീട്​. സാധനങ്ങൾ എല്ലാം നശിക്കുകയും ചെയ്​തു. ലോകമൊട്ടുക്കുള്ള മലയാളികൾ ഒരുമിച്ച്​ നിന്ന്​ കേരളത്തി​നുണ്ടായ ദുരന്തത്തി​​​െൻറ അനന്തര ഫലങ്ങളെ അതിജീവിക്കുമെന്നും ഹക്കീം പറയുന്നു.

ആഷ്​ലി കുര്യ​​െൻറ വീട്ടിൽ ലക്ഷങ്ങളുടെ നാശനഷ്​ടം
മനാമ: ബഹ്​റൈൻ കേരളീയ സമാജം ലൈബ്രറി കൺവീനറും തൃ​ശൂർ ഇരിഞ്ഞാലക്കുട തേലെപ്പിള്ളി സ്വദേശിയുമായ ആഷ്​ലികുര്യ​​െൻറ വീടും പ്രളയത്തിൽ കനത്ത നാശനഷ്​ടങ്ങൾക്കിരയായി. പ്രളയസമയത്ത്​ പ്രായമായ മാതാപിതാക്കളാണ്​ വീട്ടിൽ ഉണ്ടായിരുന്നത്​. ഇവരെ പള്ളിയിലെ അച്ച​​െൻറ നേതൃത്വത്തിൽ വാർപ്പിൽ ഇരുത്തിയാണ്​ രക്ഷപ്പെടുത്തിയത്​. ഇൗ സമയം വീട്ടിൽ കഴുത്തറ്റം വെള്ളമായിരുന്നുവെന്നും ആഷ്​ലി പറഞ്ഞു. പ്രളയം മാറിയപ്പോൾ വീട്ടിൽ തടികൊണ്ടുള്ള ഉത്​പ്പന്നങ്ങൾ എല്ലാം നശിച്ചു. ഗൃഹോപകരണങ്ങളും വൈദ്യുതീകരണ സംവിധാനങ്ങളും കേടായി. ലക്ഷങ്ങളുടെ നാശനഷ്​ടമാണ്​ ഉണ്ടായത്​. വീട്​ മൂന്നുവട്ടം ശുചീകരിച്ചിട്ടും വൃത്തിയായിട്ടില്ല. ഇനിയും രണ്ടുവട്ടം കൂടി വൃത്തിയാക്കേണ്ടി വരുമെന്നാണ്​ കരുതുന്നത്​.