Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightBahrainchevron_rightപ്രവാസികുടുംബങ്ങളെ...

പ്രവാസികുടുംബങ്ങളെ ഞെട്ടിച്ച്​ വിമാനയാത്രാക്കൂലി​ വർധനവ്​

text_fields
bookmark_border
പ്രവാസികുടുംബങ്ങളെ ഞെട്ടിച്ച്​  വിമാനയാത്രാക്കൂലി​ വർധനവ്​
cancel

മനാമ: നാട്ടിൽപോയ പ്രവാസി കുടുംബങ്ങൾ ബഹ്​റൈനിലേക്ക്​ തിരിച്ചുവരാനായി വിമാന ടിക്കറ്റ്​ എടുക്കാൻ കഴിയാത്ത അവ സ്ഥയിൽ. നാലും അഞ്ചും ഇരട്ടി വർധിച്ചിരിക്കുകയാണ്​ വിമാനയാത്രാക്കൂലിനിരക്ക്​. തിരുവനന്തപുരത്തുനിന്ന്​ ബഹ്​റൈ നിലേക്ക്​ തൊട്ടടുത്ത ദിവസങ്ങളിലെ വിമാനടിക്കറ്റ്​ നിരക്ക്​ 330 ബി.ഡിയിൽ എത്തിനിൽക്കുന്നു. കണക്ഷൻ ഫ്ലൈറ്റുകളിലേക്ക്​ ശരണം പ്രാപിക്കാമെന്ന്​ വച്ചാലും അവിടെയും കഥ ഇതുതന്നെ. തിരുവനന്തപുരം കൊളംബോ വഴി കണക്ഷൻ ​ൈഫ്ലറ്റിൽ ബഹ്​റൈനിലേക്ക് വരുംദിവസങ്ങളിൽ ​ എത്തണമെങ്കിൽ 650 ഒാളം ബി.ഡി നൽകണം. കൊച്ചി ലങ്ക കണക്ഷൻ ​
ൈഫ്ലറ്റിൽ ബഹ്​റൈനിൽ എത്താൻ 303 ബി.ഡി വരെ എത്തിയിട്ടുണ്ട്​.


കോഴിക്കോട്​ എയർ ഇന്ത്യഎക്​സ്​പ്രസിൽ ബഹ്​റൈനിൽ എത്താൻ 230 ബി.ഡിവരെയാണ്​ ശരാശരി നിരക്ക്​. ആഗസ്​റ്റ്​ 31 വരെ കൂടുതൽ ഉയർന്ന തോതിലാണ്​ നിരക്ക്​ കാണിക്കുന്നത്​. ആഗസ്​റ്റ്​ 27 ന്​ തിരുവനന്തപുരത്ത്​ നിന്ന്​ ബംഗളൂരു, മുംബൈ,ബഹ്​​റൈൻ കണക്ഷൻഫ്ലൈറ്റിൽ വരാൻ ടിക്കറ്റ്​ എടുത്തയാളിന്​ 240 ദിനാറാണ്​ നൽകേണ്ടി വന്നത്​. ജെറ്റ്​ എയർവേസ്​ അടച്ചുപൂട്ടിയതാണ്​ വിമാനയാത്രാക്കൂലി ഭീമമായി ഉയരാൻ കാരണമെന്ന്​ ചൂണ്ടിക്കാട്ടപ്പെടുന്നു. മടക്കയാത്രക്കുള്ള ടിക്കറ്റ്​ എടുക്കാതെ നാട്ടിൽപോയ ആയിരക്കണക്കിന്​ പ്രവാസി കുടുംബങ്ങളുണ്ട്​. അതിനാൽ ടിക്കറ്റ്​ നിരക്ക്​ കുറയുന്നതും നോക്കിയാകും ഇവരുടെ മടക്കയാത്ര. എന്നിരുന്നാലും ഒാണാവധിവരെയും ടിക്കറ്റ്​ നിരക്ക്​ ഉയർന്നുനിൽക്കും എന്നാണ്​ ചൂണ്ടിക്കാട്ടപ്പെടുന്നത്​. നാവെടുത്താൽ പ്രവാസി ക്ഷേമത്തെക്കുറിച്ച്​ വർത്തമാനം പറയുന്ന ഇന്ത്യൻ നേതാക്കൻമാർ ഇക്കാര്യത്തിൽ മൗനം പാലിക്കുകയാണ്​.

മൂന്ന്​, നാല്​ അംഗങ്ങളുള്ള സാധാരണ കുടുംബങ്ങൾക്ക്​ അവധിക്കാലം കഴിഞ്ഞ്​ മടങ്ങിയെത്താൻ നല്ലൊരു തുക മുടക്കേണ്ട അവസ്ഥയാണിപ്പോൾ​. പലരും ജീവിതച്ചെലവുകാരണം കടബാധ്യതയുടെ പിടിയിലാണ്​. ഇൗ അവസ്ഥയിൽ തിരിച്ചുവരവിന്​ ഭാരിച്ച തുക എങ്ങനെ കണ്ടെത്തും എന്നറിയാതെ വിഷമിക്കുകയാണ്​ പ്രവാസി കുടുംബങ്ങൾ. എയർ ഇന്ത്യക്ക്​ ഇക്കാര്യത്തിൽ ആശ്വാസ നടപടികൾ സ്വീകരിക്കാൻ കഴിയും എന്നാണ്​ യാത്രക്കാർ പറയുന്നത്​. ഇതിന്​ ഗവൺമ​െൻറ്​ നടപടി സ്വീകരിക്കണമെന്നും ആവശ്യമുയരുന്നുണ്ട്​. അതേസമയം ഗൾഫ്​ മേഖലയിലെ വിമാന നിരക്ക്​ മാത്രമാണ്​ വർധിച്ചിരിക്കുന്നത്​ എന്നും ട്രാവൽ ഏജൻസികൾ ചൂണ്ടിക്കാട്ടുന്നു. കൊച്ചിയിൽനിന്ന്​ നാലരമണിക്കൂർ യാത്രാദൈർഘ്യമുള്ള ക്വാലാലമ്പൂരിൽ പോയി വരാൻ ഇന്ത്യൻ രൂപ 20000 ൽതാ​െഴ മതി എന്നുള്ളത്​ വിമാനക്കമ്പനികളുടെ ഇരട്ടത്താപ്പ്​ വ്യക്തമാക്കുന്നതായും ആക്ഷേപമുണ്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:pravasiflightjet airwaysgulf news
News Summary - flight-jet airways-pravasi-bahrain-gulf news
Next Story