നിലവിലെ ഫ്ലെക്സി പെർമിറ്റ്​ വിസക്കാർ ശ്രദ്ധിക്കേണ്ട പ്രധാന നിയമങ്ങൾ

മനാമ: നിലവിലുള്ള ഫ്ലെക്സി പെർമിറ്റ്​ വിസക്കാർക്ക്​ ബഹ്​റൈൻ വിവിധ തൊഴിൽ സുരക്ഷ നൽകുന്നുണ്ട്​. അതിനൊപ്പം കൃത്യമായി പാലിക്കേണ്ട നിയമങ്ങളെ കുറിച്ചും ഒാർമ്മപ്പെടുത്തുന്നുണ്ട്​. പുതിയ ഫ്ലെക്സി വിസകൾ എടുക്കുന്നവരും ഇൗ നിയമങ്ങളെ കുറിച്ച്​ അറിഞ്ഞിരിക്കുക നല്ലതാണ്​. ഭക്ഷണശാലകൾ, ഹോട്ടലുകൾ, അല്ലെങ്കിൽ ഹയർ സലൂണുകൾ എന്നിവയിൽ ജോലി ചെയ്യരുതെന്നതാണ്​ അതിലെ പ്രധാന നിർദേശം​. തെരുവുകളിൽ വിൽപ്പന നടത്തുന്നതും വിലക്കിയിട്ടുണ്ട്​. ഇടനിലക്കാരുടെയോ ക്ലിയറൻസ്​ ഏജൻറുമാരുമായോ ഇടപഴകരുതെന്നും ലേബർ മാർക്കറ്റ് റെഗുലേറ്ററി അതോറിറ്റിയുടെ കർശന നിർ​േദശമുണ്ട്​. ഫ്ലെക്സി പെർമിറ്റ്​ വിസയുമായി ബന്​ധപ്പെട്ട കാര്യങ്ങൾ സ്വന്തം ഉത്തരവാദിത്തത്തിൽ ചെയ്യുന്നതാകും അഭികാമ്യം. കിംവദന്തികളോട്​ പ്രതിക്കരുതെന്നും ഏതെങ്കിലും പുതുക്കിയ കാര്യങ്ങൾ അറിയണമെന്നുണ്ടെങ്കിൽ എൽ.എം.ആർ.എയുമായി ബന്​ധപ്പെടുകയോ 17103103 എന്ന ഫോണിൽ വിളിക്കുകയോ ചെയ്യണം. അല്ലെങ്കിൽ പ്രവാസികൾ സ്വന്തം എംബസിയിൽ ബന്​ധപ്പെടണം. ഒരു കാരണവശാലും നിയമം ലംഘിക്കരുത്​.

സ്വന്തമായി ചെയ്യാനാകുന്ന ​േജാലിയിൽ മാത്രം പ്രവർത്തിക്കുകയും സ്വന്തം ജീവിതത്തിന്​ അപകടകരമാകുന്ന യാതൊരു ​​ജോലിയിലും ​ഏർപ്പെടരുതെന്നും എൽ.എം.ആർ.എ വ്യക്തമാക്കുന്നുണ്ട്​. ചെയ്യുന്ന ജോലിക്ക്​ കൃത്യമായ സുരക്ഷ ഉപകരണങ്ങൾ ഉപയോഗിക്കണം. ഫ്ലെക്സി പെർമിറ്റ്​ വിസയുള്ള വ്യക്തി തന്നെയാണ്​ സ്വന്തം സ്​പോൺസർ എന്നും നിയമങ്ങൾ പാലിക്കണമെന്നും എൽ.എം.ആർ.എ ഒാർമ്മപ്പെടുത്തുന്നുണ്ട്​.
പ്രതിമാസ വിസ ഫീസ്​ അടക്കാതിരുന്നാൽ ഫ്ലെക്സി പെർമിറ്റ്​ വിസ റദ്ദാക്കപ്പെടാൻ സാധ്യതയുണ്ട്​. കാർഡ്​ നഷ്​ടമായാൽ എൽ.എം.ആർ.എയിലേക്ക്​ വിളിച്ച്​ അറിയിക്കുക. ഫ്ലെക്സി പെർമിറ്റ്​ വിസയുള്ള വ്യക്തിക്ക്​ 30 ദിനാറാണ്​ ഫീസായി അടക്കേണ്ടത്​. ബഹ്​റൈൻ ഫിനാൻസ്​ കമ്പനിയുടെ ഏത്​ ശാഖയിലും പ്രതിമാസ ഫീസ്​ അടക്കാവുന്നതാണ്​. ഒാരോ ആറ്​ മാസത്തിലൊരിക്കലും ബ്ലൂ കാർഡ്​ പുതുക്കുന്നതിന്​ ലേബർ മാർക്കറ്റ് റെഗുലേറ്ററി അതോറിറ്റി സിത്​​റ ശാഖ സന്ദർശിക്കണം.