അസ്​കറിൽ മത്​സ്യചന്ത ആരംഭിക്കും

മനാമ: അസ്​കർ മത്​സ്യബന്​ധന മേഖലയിൽ മത്​സ്യചന്ത ആരംഭിക്കുമെന്ന്​ നിർമ്മാണ, മുൻസിപ്പാലിറ്റി, നഗരാസൂത്രണ മന്ത്രാലയത്തിലെ അണ്ടർസെക്രട്ടറി (കാർഷികം, കടൽ വിഭവം) ശൈഖ്​ മുഹമ്മദ്​ ബിൻ അഹ്​മദ്​ ആൽ ഖലീഫ പറഞ്ഞു. ഇവിടെ മന്ത്രാലയത്തി​​​െൻറ പദ്ധതിയുടെ പുരോഗതി മനസിലാക്കാൻ നടത്തിയ സന്ദർശനത്തിനിടെയായിരുന്നു ഇൗ അറിയിപ്പ്​.

 അണ്ടർസെക്രട്ടറിക്കൊപ്പം നിരവധി ഉയർന്ന ഒാഫീസർമാരും  ഉണ്ടായിരുന്നു. ഹിദ്ദ്​, ബുദയ്യ ജെട്ടികളിൽ മന്ത്രാലയം നേരത്തെ മത്​സ്യ മാർക്കറ്റ്​ നിർമ്മിക്കുമെന്ന്​ പ്രഖ്യാപിച്ചിരുന്നു. സ്വകാര്യ മേഖലയുടെ പങ്കാളിത്തം ഉറപ്പുവരുത്തിയായിരിക്കും അസ്​കറിൽ ചന്ത വരികയെന്നും അണ്ടർസെക്രട്ടറി വ്യക്തമാക്കി. ബഹ്​റൈൻ ഭക്ഷ്യസുരക്ഷയെ പ്രോത്​സാഹിപ്പിക്കുന്നതിന്​ ഇൗ മേഖലയിലെ തന്ത്രപരമായ പങ്കി​​​െൻറ ആവശ്യകതയെയും മത്​സ്യതൊഴിലാളിക​ളുടെ നിർണ്ണായകമായ സേവനത്തെ കുറിച്ചും അദ്ദേഹം എടുത്തുപറഞ്ഞു. മത്​സ്യതൊഴിലാളികളെ സംരക്ഷിക്കാനുള്ള പദ്ധതികളെ കുറിച്ചും അണ്ടർസെക്രട്ടറി വിവരിച്ചു.