ഇൗസ ടൗൺ മാർക്കറ്റിൽ തീപിടിത്തം; കടകൾ ചാമ്പലായി 

മനാമ: ഇൗസ ടൗൺ പരമ്പരാഗത മാർക്കറ്റിലുണ്ടായ അഗ്​നിബാധയിൽ ആറോളം ഷോപ്പുകൾക്ക്​ നാശനഷ്​ടമുണ്ടായി. കഴിഞ്ഞ ദിവസം പുലർച്ചെ 3.30ഒാടെയാണ്​ സംഭവം. ഇതേ തുടർന്ന്​ പൊലീസ്​ മാർക്കറ്റ്​ അടച്ചു. ആർക്കും പരിക്കില്ല. സിവിൽ ഡിഫൻസ്​ സംഘം എത്തിയാണ്​ തീ അണച്ചതെന്ന്​ ആഭ്യന്തര മന്ത്രാലയം ട്വിറ്ററിൽ പറഞ്ഞു. തീപിടിത്തത്തെക്കുറിച്ച്​ അന്വേഷണം ആരംഭിച്ചു. ഫർണിച്ചറും പാത്രങ്ങളും മറ്റും വിൽക്കുന്ന കടകളാണ്​ കത്തിയമർന്നത്​.