ഹമദ് ടൗണിൽ താമസകെട്ടിടത്തിൽ തീപിടിത്തം; ആളുകളെ ഒഴിപ്പിച്ചു, ആർക്കും പരിക്കില്ല

മനാമ: ഹമദ് ടൗണിലുള്ള ഒരു താമസകെട്ടിടത്തിലുണ്ടായ തീപിടുത്തം സിവിൽ ഡിഫൻസ് സംഘം അണച്ചു.

കെട്ടിടത്തിലുണ്ടായിരുന്ന താമസക്കാരെ സുരക്ഷിതമായി ഒഴിപ്പിച്ചു. അപകടത്തിൽ ആർക്കും പരിക്കേറ്റതായി റിപ്പോർട്ടുകളില്ല. പ്രാഥമിക റിപ്പോർട്ട് പ്രകാരം, ഒരു ഇലക്ട്രിക്കൽ ഉപകരണത്തിൽ നിന്നാണ് തീപിടുത്തമുണ്ടായതെന്നാണ് വിവരം.