മൊബൈൽ കണക്​ഷൻ എടുക്കാൻ ഇനി വിരലടയാളം രേഖപ്പെടുത്തണം

മനാമ: ബഹ്​റൈനിൽ ഇനി മുതൽ മൊബൈൽ കണക്​ഷൻ എടുക്കണമെങ്കിൽ വിരലടയാളം രേഖപ്പെടുത്തണം. ഇത്​ പ്രീ പെയ്​ഡ്, പോസ്​റ്റ്​ പെയ്​ഡ്​ കണക്​ഷനുകൾക്ക്​ ബാധകമാണ്​. മതിയായ രേഖകൾക്ക്​ പുറമെയാണ്​ വിരലടയാളം രേഖപ്പെടുത്തേണ്ടതെന്ന്​ ടെലികോം റെഗുലേറ്ററി അതോറിറ്റി (ട്രാ) അധികൃതർ വ്യക്​തമാക്കി. ഇത്​ ഇൻഫർമേഷൻ ആൻറ്​ ഇ^ഗവൺമ​െൻറ്​ അതോറിറ്റി (െഎ.ജി.എ) പരി​േശാധിക്കും. ഒരു ​െഎ.ഡി ഉപയോഗിച്ച്​ എടുക്കാവുന്ന കണക്​ഷനുകളുടെ എണ്ണവും ‘ട്രാ’ പരിമിതപ്പെടുത്തിയിട്ടുണ്ട്​. ഇനിമുതൽ ഒരു ​െഎ.ഡി ഉപയോഗിച്ച്​ 10 കണക്​ഷനിൽ കൂടുതൽ (പ്രീ പെയ്​ഡ്​) എടുക്കാനാകില്ല. പത്തിൽ കൂടുതൽ കണക്​ഷനുകളുള്ളവർ അധിക നമ്പറുകൾ മറ്റൊരു ​െഎ.ഡിയിലേക്ക്​ മാറ്റാനായി സേവനദാതാക്കളുമായി ബന്ധ​െപ്പടണം. 
  വിരലടയാളം രേഖപ്പെടുത്തുന്നതോടെ വ്യാജ രേഖകൾ സമർപ്പിച്ച്​ പോസ്​റ്റ്​ പെയ്​ഡ്​ കണക്​ഷനും ഉപകരണങ്ങളും വാങ്ങി തട്ടിപ്പ്​ നടത്തുന്ന പ്രവണത അവസാനിക്കുമെന്നാണ്​ കരുതുന്നത്​. നഷ്​ടപ്പെട്ട പാസ്​പോർട്ടും സി.പി.ആറും മറ്റും ഉപയോഗിച്ച്​ ഇത്തരം കണക്​ഷനുകൾ എടുത്ത്​ തട്ടിപ്പ്​ നടത്തുന്ന പ്രവണത നേരത്തെ വൻതോതിൽ റിപ്പോർട്ട്​ ചെയ്​തിരുന്നു. ആ സമയത്ത്​ ‘ട്രാ’യെ സമീപിച്ച മലയാളി സാമൂഹിക പ്രവർത്തകർ ഉൾപ്പെടെയുള്ളവർ ഇത്തരം തട്ടിപ്പ്​ തടയാൻ​ കണക്​ഷൻ എടുക്കുന്ന വേളയിൽ വിരലടയാളം രേഖപ്പെടുത്തൽ മാത്രമാണ്​ പോംവഴിയെന്ന്​ നിർദേശിച്ചിരുന്നു. 
  ഓരോ മൊബൈല്‍ സേവന ദാതാക്കളും വിരലടയാളം അടക്കമുള്ള രേഖകള്‍ ഉപഭോക്താക്കളില്‍ നിന്ന് ശേഖരിക്കുന്നതിനാവശ്യമായ സംവിധാനമുണ്ടാക്കണം. ഉപഭോക്താക്കള്‍ വഞ്ചിക്കപ്പെടാതിരിക്കുന്നതിനായി 2016 മുതൽ ട്രാ ബോധവത്​കരണം നടത്തുന്നുണ്ട്. അത് കൂടുതല്‍ ശക്തമാക്കുന്നതിനും തീരുമാനിച്ചിട്ടുണ്ട്.