‘ഫിഫ’ സമ്മേളനത്തിന്​ ബഹ്​റൈനിൽ തുടക്കമായി

മനാമ: 209 രാജ്യങ്ങളു​െട പ്രതിനിധികൾ പ​െങ്കടുക്കുന്ന അന്താരാഷ്​ട്ര ഫുട്​ബാൾ അസോസിയേഷൻ (ഫിഫ) സമ്മേളനത്തിന്​ ബഹ്​റൈനിൽ തുടക്കമായി. ‘ഫിഫ’യുടെ 67ാമത്​ സമ്മേളനത്തെ അഭിസംബോധന ചെയ്യവെ, സംഘടനക്കെതിരായി വിവിധ മാധ്യമങ്ങളിൽ വരുന്ന വാർത്തകളെ പ്രസിഡൻറ്​ ഗിയാനി ഇൻഫാൻറിനോ രൂക്ഷമായി വിമർശിച്ചു​​. 

സത്യമെന്തെന്ന്​ അറിയാനുള്ള അവസരം ജനങ്ങൾക്ക്​ ലഭിക്കുന്നില്ലെന്നും ഫിഫയെക്കുറിച്ച്​ വ്യാജവാർത്തകളാണ്​ പ്രചരിക്കുന്നതെന്നും അദ്ദേഹം പറഞ്ഞു. ‘ഫിഫ’യെ വിമർശിക്കുക എന്നത്​ പല രാജ്യങ്ങളിലും ഒരു ദേശീയ വിനോദമായി മാറിയെന്നും അദ്ദേഹം അഭിപ്രായപ്പെട്ടു. ബഹ്റൈൻ ഇൻറർനാഷണൽ എക്​സിബിഷൻ ആൻറ്​ കൺവെൻഷൻ സ​​െൻററിലാണ്​ സമ്മേളനം നടക്കുന്നത്​.

സമ്മേളനം നടത്താൻ വേദിയൊരുക്കിയ ബഹ്​റൈൻ ഭരണകൂടത്തിന്​ പ്രസിഡൻറ്​ നന്ദി അറിയിച്ചു. യുവജന കാര്യ^ചാരിറ്റി പ്രവർത്തനങ്ങളിൽ ഹമദ്​ രാജാവി​​​െൻറ പ്രതിനിധിയും യുവജന-കായികകാര്യ സുപ്രീം കൗൺസിൽ അധ്യക്ഷനുമായ ശൈഖ്​ നാസിർ ബിൻ ഹമദ്​ ആൽ ഖലീഫ സമ്മേളനത്തെ അഭിസംബോധന ചെയ്​തു. ഡീഗോ മറഡോണ ഉൾപ്പെടെയുള്ള താരങ്ങൾ സമ്മേളനത്തിൽ പ​െങ്കടുക്കുന്നുണ്ട്​.കായിക രംഗത്തി​​​െൻറ വളർച്ചക്കായി ബഹ്​റൈൻ വിവിധ പദ്ധതികൾ ആവിഷ്​കരിക്കുന്നതായി അദ്ദേഹം പറഞ്ഞു. ഫോർമുല വൺ കാറോട്ട മത്സരങ്ങൾ വർഷങ്ങളായി വിജയകരമായി നടന്നുവരുന്ന കാര്യം അദ്ദേഹം സൂചിപ്പിച്ചു.

2022ൽ മിഡിൽ ഇൗസ്​റ്റിൽ ആദ്യമായി ​ഫുട്​ബാൾ ലോകകപ്പ്​ നടക്കാനിരിക്കുന്നത്​ മേഖലയിലെ ജനങ്ങൾ ആവേശത്തോടെ കാത്തിരിക്കുകയാണ്.ഫുട്​ബാൾ വ്യക്​തികളുടെ ജീവിതത്തെ മാറ്റിത്തീർക്കുന്ന കളിയാണ്​. ആരുജയിക്കും ആരുതോൽക്കും എന്നതിലല്ല കാര്യം. കളിക്കുക എന്നതിലാണ്​^അദ്ദേഹം പറഞ്ഞു.