പ​വി​ഴ​ദ്വീ​പി​നോ​ടു​ള്ള ക​ട​പ്പാ​ടു​മാ​യി മൊ​യ്തീ​ൻ

മ​നാ​മ: മൂ​ന്ന​ര പ​തി​റ്റാ​ണ്ട്​ ബ​ഹ്‌​റൈ​ൻ ആ​ഭ്യ​ന്ത​ര മ​ന്ത്രാ​ല​യ​ത്തി​ൽ സേ​വ​ന​മ​നു​ഷ്ഠി​ച്ച മൊ​യ്‌​തീ​ൻ പാ​ഴൂ​ർ പ്ര​വാ​സ​ജീ​വി​തം അ​വ​സാ​നി​പ്പി​ച്ച്​ നാ​ട്ടി​ലേ​ക്കു​ മ​ട​ങ്ങു​ന്നു. ദീ​ർ​ഘ കാ​ല പ്ര​വാ​സ​ജീ​വി​ത​ത്തി​നി​ട​യി​ൽ ഈ ​നാ​ട്​ ന​ൽ​കി​യ സ്​​നേ​ഹ​വും കാ​രു​ണ്യ​വും മ​ന​സ്സി​ൽ നി​റ​ച്ചാ​ണ്​ കോ​ട്ട​യം സ്വ​ദേ​ശി​യാ​യ ഇ​ദ്ദേ​ഹ​ത്തി​​ന്റെ മ​ട​ക്ക​യാ​ത്ര. കാ​പി​റ്റ​ൽ ഗ​വ​ർ​ണ​റേ​റ്റ് പൊ​ലീ​സ് ഡ​യ​റ​ക്ട​റേ​റ്റി​ൽ അ​ഡ്മി​നി​സ്ട്രേ​ഷ​ൻ വി​ഭാ​ഗ​ത്തി​ൽ ​സേ​വ​ന​മ​നു​ഷ്ഠി​ച്ച മൊ​യ്തീ​ൻ 1986 സെ​പ്റ്റം​ബ​റി​ലാ​ണ്​ ബ​ഹ്‌​റൈ​നി​ലെ​ത്തി​യ​ത്.

പ്രോ​ഗ്ര​സി​വ്​ പാ​ര​ന്‍റ്​​സ്​ അ​ല​യ​ൻ​സ്​ (പി.​പി.​എ) ലെ​യ്​​സ​ൺ ക​മ്മി​റ്റി അം​ഗ​മാ​ണ് മൊ​യ്തീ​ൻ പാ​ഴൂ​ർ. ക​ഴി​ഞ്ഞ ദി​വ​സം ഇ​ന്ത്യ​ൻ സ്കൂ​ൾ ബ​ഹ്‌​റൈ​ൻ പി.​പി.​എ ന​ൽ​കി​യ യാ​ത്ര​യ​യ​പ്പി​ൽ എ​ക്സി​ക്യൂ​ട്ടി​വ് ക​മ്മി​റ്റി ചെ​യ​ർ​മാ​ൻ പ്രി​ൻ​സ് ന​ട​രാ​ജ​ൻ, പി.​പി.​എ ക​ൺ​വീ​ന​ർ വി​പി​ൻ, പേ​ട്ര​ൺ മു​ഹ​മ്മ​ദ് ഹു​സൈ​ൻ മാ​ലിം എ​ന്നി​വ​രി​ൽ​നി​ന്ന്​ സ്നേ​ഹോ​പ​ഹാ​രം ഏ​റ്റു​വാ​ങ്ങി. കോ​ട്ട​യ​ം താ​ഴ​ത്ത​ങ്ങാ​ടി​യാണ് ജ​ന്മ​നാ​ട്. ബ​ഹ്‌​റൈ​ൻ പൊ​ലീ​സ് ഡി​പ്പാ​ർ​ട്മെ​ന്‍റി​​​ന്റെ ഭാ​ഗ​മാ​യി വ​ള​രെ ഉ​ത്ത​ര​വാ​ദി​ത്ത​മു​ള്ള ജോ​ലി​ക​ൾ നി​ർ​വ​ഹി​ക്കാ​ൻ അ​വ​സ​രം ന​ൽ​കി​യ ഈ ​രാ​ജ്യ​ത്തെ ഭ​ര​ണാ​ധി​കാ​രി​ക​ളോ​ട് തീ​ർ​ത്താ​ൽ തീ​രാ​ത്ത ന​ന്ദി​യും ക​ട​പ്പാ​ടു​മു​ണ്ടെ​ന്ന്​ മൊ​യ്തീ​ൻ പ​റ​ഞ്ഞു. ഭാ​ര്യ ഷാ​ഹി​ദ​യും മൂ​ന്നു മ​ക്ക​ളും അ​ട​ങ്ങു​ന്ന കു​ടും​ബ​മാ​ണ്​ ഇ​ദ്ദേ​ഹ​ത്തി​​ന്റേ​ത്. മൂ​ത്ത മ​ക​ൻ സു​ഹൈ​ൽ കു​ടും​ബ​ത്തോ​ടൊ​പ്പം ദു​ബൈ​യി​ൽ താ​മ​സി​ക്കു​ന്നു. ര​ണ്ടാ​മ​ത്തെ മ​ക​ൻ ഷു​ഹൈ​ബ്​ ബ​ഹ്‌​റൈ​നി​ൽ സി​വി​ൽ എ​ൻ​ജി​നീ​യ​റാ​യി ജോ​ലി ചെ​യ്യു​ന്നു. ഭാ​ര്യ​ക്കും മൂ​ന്നാ​മ​ത്തെ മ​ക​ൾ സ​ഫ്രീ​ന​ക്കു​​മൊ​പ്പ​മാ​ണ്​ ഇ​ദ്ദേ​ഹം നാ​ട്ടി​ലേ​ക്കു തി​രി​ക്കു​ന്ന​ത്.