അംബാസഡർ പിയൂഷ് ശ്രീവാസ്​തവക്ക് യാത്രയയപ്പ് നൽകി

മനാമ: ബഹ്റൈൻ തട്ടായ് ഭാട്ടിയ കമ്യൂണിറ്റി, സഹോദര സംഘടനയായ ഭാട്ടിയ മിത്ര മണ്ഡലുമായി സഹകരിച്ച്, സ്​ഥാനമൊഴിയുന്ന ഇന്ത്യൻ അംബാസഡർ പിയൂഷ് ശ്രീവാസ്​തവയ്ക്ക് യാത്രയയപ്പ് നൽകി. കൊവിഡ് കാലത്തും അതിനുശേഷവും ഇന്ത്യൻ സമൂഹത്തെ ക്രിയാത്മകമായി സ്വാധീനിച്ച ഇന്ത്യൻ അംബാസഡറുടെ മഹത്തായ പ്രവർത്തനങ്ങൾ ചടങ്ങിൽ സംസാരിച്ചവർ അനുസ്​മരിച്ചു. ബഹ്റൈനിൽ സ്ഥിരതാമസമാക്കിയ ആദ്യ ഇന്ത്യൻ സമൂഹമാണ് ഭാട്ടിയ കമ്യൂണിറ്റിയെന്നും 200 വർഷം പഴക്കമുള്ള ശ്രീനാഥ്ജി ശ്രീകൃഷ്ണ ക്ഷേത്രം ബഹ്റൈനും ഇ ന്ത്യയും തമ്മിലുള്ള നല്ല ബന്ധത്തിന്റെയും പരസ്​പര ബഹുമാനത്തിന്റെയുംതെളിവാണെന്നും അംബാസഡർ ചൂണ്ടിക്കാട്ടി.