പറന്നുപോകില്ല; ആ പരുന്ത്​ 

മനാമ: ബഹ്​റൈനിൽ വിമാനമിറങ്ങി മുഹറഖ്​ ഭാഗത്തേക്ക്​ വരു​േമ്പാൾ ആരും ശ്രദ്ധിക്കുന്ന പരുന്ത്​ പ്രതിമ നീക്കാനുള്ള ശ്രമം തടഞ്ഞു. പൊതുമരാമത്ത്​, മുനിസിപ്പാലിറ്റികാര്യ, നഗരാസൂത്രണ മന്ത്രാലയത്തി​​െൻറ പ്രതിമ നീക്കാനുള്ള പദ്ധതിയാണ്​ മുഹറഖ്​ മുനിസിപ്പൽ കൗൺസിൽ തള്ളിയത്​. 36 വർഷം മുമ്പാണ്​ രാജ്യത്തി​​െൻറ അടയാളമായി മാറിയ പ്രതിമ സ്​ഥാപിക്കുന്നത്​. 

മുനിസിപ്പൽ കൗൺസിൽ ഏകകണ്​ഠമായാണ്​ തീരുമാനമെടുത്തത്​. റോഡ്​ വികസനമുണ്ടാകു​േമ്പാൾ പ്രതിമ മാറ്റിസ്​ഥാപിക്കുന്നതിനോട്​ വിയോജിപ്പില്ലെന്ന്​ കൗൺസിലർമാർ അറിയിച്ചു. നേരത്തെ, പരുന്ത്​ പ്രതിമ മാറ്റി പകരം ബഹ്​റൈനി ആർടിസ്​റ്റായ ഇബ്രാഹിം അൽ സഅദ്​ രൂപകൽപന ചെയ്​ത അറബിക്​ കാലിഗ്രാഫിയുടെ ശൈലിയിലുള്ള ശിൽപം സ്​ഥാപിക്കുമെന്ന്​ കാണിച്ച്​ കൗൺസിലിന്​ ബഹ്​റൈൻ  അതോറിറ്റി ഫോർ കൾചർ ആൻറ്​ ആൻറിക്വിറ്റീസ്​ അധികൃതർ കത്തയച്ചിരുന്നു.എന്നാൽ, പുതിയ ശിൽപം മറ്റൊരിടത്ത്​ സ്​ഥാപിക്കുന്നതാകും ഉചിതമെന്ന്​ മുനിസിപ്പൽ കൗൺസിലർമാർ അഭിപ്രായപ്പെട്ടു.