​​പ്രൊഫഷണലുകൾ പ്രതിമാസം 30 ദിനാർ ഫീസ്​ അടക്കണമെന്നത്​ വ്യാജ പ്രചാരണം 

മനാമ: പ്രൊഫഷണലുകളായ പ്രവാസികളിൽ നിന്ന്​​ പ്രതിമാസം 30 ദിനാർ വീതം ഇൗടാക്കാനൊരുങ്ങുന്നതായുള്ള സോഷ്യൽ മീഡിയ വഴിയുള്ള പ്രചാരണം ലേബർ മാർക്കറ്റ്​ റെഗുലേറ്ററി അതോറിറ്റി (എൽ.എം.ആർ.എ) തള്ളി. ഫ്ലക്​സിബിൾ വർക്​ പെർമിറ്റുള്ളവർക്കാണ്​ ഇൗ ഫീസ്​ ബാധകമെന്ന്​ അധികൃതർ വ്യക്​തമാക്കി. ഫ്ലെക്​സിബിൾ വർക്​ പെർമിറ്റുള്ളവർക്ക്​ മറ്റ്​ സ്​പോൺസർമാരില്ല. അവർക്ക്​ സ്വന്തം താൽപര്യ പ്രകാരം വിവിധ ഉടമകൾക്കു കീഴിൽ ജോലി ചെയ്യാവുന്നതാണ്.അനധികൃത ​ജോലിക്കാരെ സ്​ഥാപനങ്ങളിൽ ​െവക്കുന്ന പ്രവണത അവസാനിപ്പിക്കാനാണ്​ കഴിഞ്ഞ വർഷം കാബിനറ്റ്​ ഫ്ലെക്​സിബിൾ വർക്​ പെർമിറ്റിന്​ അംഗീകാരം നൽകിയത്​.ഇൗ പദ്ധതി പ്രകാരം അടുത്ത രണ്ടു വർഷത്തിനുള്ളിൽ 48,000 പെർമിറ്റുകൾ അനുവദിക്കാനാകുമെന്നാണ്​ കണക്കാക്കുന്നത്​. 

ഇക്കാര്യത്തിലുള്ള തെറ്റിദ്ധാരണ ഒഴിവാക്കേണ്ടതാണെന്ന്​ എൽ.എം.ആർ.എ ചീഫ്​ എക്​സിക്യൂട്ടിവ്​ ഉസാമ അൽ അബ്​സി പ്രാദേശിക പത്രത്തോട്​ പറഞ്ഞു. ഫ്ലെക്​സിബിൾ പെർമിറ്റിന്​ കീഴിൽ വരുന്നവരാണ്​ തുക അടക്കേണ്ടത്​. ഫ്ലെക്​സി വർക്​ പെർമിറ്റ്​, ഹോസ്​പിറ്റാലിറ്റി വർക്​ പെർമിറ്റ്​ എന്നിങ്ങനെ രണ്ടു പെർമിറ്റുകളാണ്​ ഇതു പ്രകാരം അനുവദിക്കുന്നത്​. റെസ്​റ്റോറൻറുകൾ, ഹോട്ടലുകൾ, സലൂണുകൾ തുടങ്ങിയ മേഖലകളിൽ ജോലി ചെയ്യുന്ന പ്രത്യേക മെഡിക്കൽ ടെസ്​റ്റുകൾ നടത്തേണ്ടവർക്കാണ്​ ഹോസ്​പിറ്റാലിറ്റി ഫ്ലെക്​സി വർക്​ പെർമിറ്റ്​ അനുവദിക്കുന്നത്​. ഫ്ലെക്​സി വർക്​ പെർമിറ്റ്​ എടുക്കുന്നവർ സ്വന്തം നിലക്കാണ്​ എല്ലാ ഫീസുകളും അടക്കേണ്ടത്​.ഇതിൽ വിസ ഫീസ്​ ആയ 200 ദിനാർ, ആരോഗ്യകാര്യ ഫീസ്​ ആയ 144 ദിനാർ എന്നിവയും പു​റമെ പ്രതിമാസം 30ദിനാറും അടക്കണം.