ഖത്തർഎയർവേസിൽ ഇനി ഫേസ്​ഷീൽഡ്​ നിർബന്ധമില്ല

ദോ​ഹ: കോ​വി​ഡ്​ കാ​ല​ത്ത്​ യാ​ത്ര​ക്കാ​രു​ടെ സു​ര​ക്ഷ​യു​ടെ ഭാ​ഗ​മാ​യി നി​ർ​ദേ​ശി​ച്ച ഫേ​സ്​ ഷീ​ൽ​ഡ്​ ഇ​നി നി​ർ​ബ​ന്ധ​മ​ല്ലെ​ന്ന്​ ഖ​ത്ത​ർ എ​യ​ർ​വേ​സ്. ഖ​ത്ത​ർ എ​യ​ർ​വേ​സി​ന്‍റെ ഒ​രു സ​ർ​വി​സി​ലും ഫേ​സ്​ ഷീ​ൽ​ഡ്​ നി​ർ​ബ​ന്ധ​മാ​യി​രി​ക്കി​ല്ലെ​ന്ന്​ അ​റി​യി​പ്പി​ൽ വ്യ​ക്​​ത​മാ​ക്കി. അ​തേ​സ​മ​യം, കോ​വി​ഡ്​ മു​ൻ​ക​രു​ത​ലി​ന്‍റെ ഭാ​ഗ​മാ​യി യാ​ത്ര​ക്കാ​ർ മാ​സ്ക്​ നി​ർ​ബ​ന്ധ​മാ​യും അ​ണി​യ​ണ​മെ​ന്ന്​ നി​ർ​ദേ​ശി​ച്ചു. യാ​ത്ര​ക്കാ​രു​ടെ​യും വി​മാ​ന​ജീ​വ​ന​ക്കാ​രു​ടെ​യും സു​ര​ക്ഷ മു​ന്‍നി​ര്‍ത്തി​യാ​ണ് മാ​സ്‌​ക് നി​ര്‍ബ​ന്ധ​മാ​ക്കി​യ​ത്. കോ​വി​ഡ്​ റി​പ്പോ​ർ​ട്ട്​ ചെ​യ്ത​തി​നു പി​ന്നാ​ലെ​യാ​ണ്​ വി​വി​ധ രാ​ജ്യാ​ന്ത​ര വി​മാ​ന ക​മ്പ​നി​ക​ൾ​ക്കൊ​പ്പം ഖ​ത്ത​ർ എ​യ​ർ​വേ​സും ഫേ​സ്ഷീ​ൽ​ഡും മാ​സ്കും യാ​ത്ര​ക്കാ​ർ​ക്ക്​ നി​ർ​ബ​ന്ധ​മാ​ക്കി​യ​ത്. എ​ന്നാ​ൽ, നി​ല​വി​ൽ രോ​ഗ​വ്യാ​പ​നം കു​റ​യു​ക​യും വാ​ക്സി​നേ​ഷ​ൻ വി​വി​ധ രാ​ജ്യ​ങ്ങ​ളി​ൽ ഏ​റ​ക്കു​റെ പൂ​ർ​ത്തി​യാ​ക്കു​ക​യും ചെ​യ്ത സാ​ഹ​ച​ര്യ​ത്തി​ൽ വി​മാ​ന ക​മ്പ​നി​ക​ൾ പ​ല​രും ഫേ​സ്​ ഷീ​ൽ​ഡി​ൽ ഇ​ള​വു​ന​ൽ​കാ​ൻ തീ​രു​മാ​നി​ച്ചു. കോ​വി​ഡി​ൽ നി​ന്നും ക​ര​ക​യ​റി, വി​നോ​ദ​സ​ഞ്ചാ​ര മേ​ഖ​ല​യെ ഉ​ണ​ർ​ത്തു​ന്ന​തി​ന്‍റെ ഭാ​ഗ​മാ​യി സ്വി​റ്റ്​​സ​ർ​ല​ൻ​ഡ്, ജോ​ർ​ഡ​ൻ ഉ​ൾ​പ്പെ​ടെ​യു​ള്ള ചി​ല രാ​ജ്യ​ങ്ങ​ളി​ൽ കോ​വി​ഡ്​ നി​യ​ന്ത്ര​ണ​ങ്ങ​ൾ പൂ​ർ​ണ​മാ​യും ഒ​ഴി​വാ​ക്കു​ക​യും ചെ​യ്തു. ഇ​തി​ന്‍റെ ഭാ​ഗ​മാ​യാ​ണ്​ ഫേ​സ്​ ഷീ​ൽ​ഡും നീ​ക്കാ​ൻ ഖ​ത്ത​ർ എ​യ​ർ​വേ​സ്​ അ​നു​വാ​ദം ന​ൽ​കു​ന്ന​ത്.