‘ഫ്രാഞ്ചൈസി ആൻറ്​ ഡൈൻ എക്​സ്​പോ’ നവംബർ എട്ട്​, ഒമ്പത്​ തിയതികളിൽ

മനാമ: ബഹ്​റൈനിലെ ആദ്യ ‘ഫ്രാഞ്ചൈസി ആൻറ്​ ഡൈൻ എക്​സ്​പോ’ നവംബർ എട്ട്​, ഒമ്പത്​ തിയതികളിൽ ക്രൗൺ പ്ലാസ ഹോട്ടലിൽ നടക്കും. കാപിറ്റൽ ഗവർണർ ശൈഖ്​ ഹിഷാം ബിൻ അബ്​ദുറഹ്​മാൻ ആൽ ഖലീഫയുടെ രക്ഷാകർതൃത്വത്തിലാണ്​ പരിപാടി നടക്കുകയെന്ന്​ സംഘാടകർ വാർത്താസമ്മേളനത്തിൽ പറഞ്ഞു. ‘നിങ്ങളുടെ സാന്നിധ്യം മിഡിൽ ഇൗസ്​റ്റ്​ വിപണിയിലും പ്രകടമാക്കുക’ എന്ന തലക്കെട്ടിലാണ്​ എക്​സ്​പോ നടക്കുന്നത്​. വ്യാപാരരംഗത്തെ പുതിയ അവസരങ്ങൾക്കും, പരിശീലനത്തിനും, പരസ്​പമുള്ള ബന്ധം സ്​ഥാപിക്കാനും, ഉൽപന്നങ്ങളും സേവനങ്ങളും പരിചയപ്പെടുത്താനും ഇത്​ വഴിയൊരുക്കുമെന്ന്​ സഹ സംഘാടകരായ ‘ക്വിക്​ മീഡിയ സൊല്യൂഷൻസ്​’, ‘മിഡിൽ ഇൗസ്​റ്റ്​ ആൻറ്​ നോർത്ത്​ ആഫ്രിക്ക ഫ്രാഞ്ചൈസി അസോസിയേഷൻ’ ഭാരവാഹികൾ പറഞ്ഞു. മിഡിൽ ഇൗസ്​റ്റ്​, വടക്കൻ ആഫ്രിക്കൻ രാജ്യങ്ങളിലെ ഫ്രാഞ്ചൈസി മേഖല അതിദ്രുതം വളരുകയാണെന്ന്​ അസോസിയേഷൻ സ്​ഥാപകനായ ഡോ.ഖാലിദ്​ അൽ ഷറഫ പറഞ്ഞു. ഇൗ മേഖലയിൽ 27ശതമാനം വാർഷിക വളർച്ചാനിരക്കാണ്​ രേഖപ്പെടുത്തുന്നത്​. മേഖലയിലെയും ലോകത്തി​​െൻറ വിവിധ ഭാഗങ്ങളിലുമുള്ള വ്യവസായികൾ ഒത്തുചേരുന്ന പരിപാടിയായി ഇത്​ മാറും.
 എല്ലാ പ്രമുഖ ബ്രാൻറുകളുടെയും പങ്കാളിത്തവും നിക്ഷേപകരുടെ സജീവ സാന്നിധ്യവും ഇതിൽ പ്രതീക്ഷിക്കുന്നുണ്ട്​. എകസ്​പോയുടെ ലോഗോ പ്രകാശന ചടങ്ങ്​ കഴിഞ്ഞ ദിവസം ക്രൗൺ പ്ലാസ ഹോട്ടലിൽ നടന്നു. 
കാപിറ്റൽ ഗവർണറേറ്റ്​ ഡെപ്യൂട്ടി ഗവർണർ ഹസൻ അൽ മദനി, ബഹ്​റൈൻ ടൂറിസം ആൻറ്​ എക്​സിബിഷൻ അതോറിറ്റിയുടെ ടൂറിസം ഫെസിലിറ്റീസ്​ ആൻറ്​ സർവീസസ്​ ഡയറക്​ടർ ഹിഷാം അസകൻ, സംഘാടകരുടെ പ്രതിനിധികൾ തുടങ്ങിയവർ ചങ്ങിൽ പ​െങ്കടുത്തു.
 ‘തംകീൻ’ പരിപാടിയുടെ ഒൗദ്യോഗിക പാർട്​ണർ ആണ്​. ബഹ്​റൈനിലെ എല്ലാ സംരംഭകർക്കും വളരാനുള്ള സഹായ സഹകരണങ്ങൾ ‘തംകീൻ’ നൽകുന്നതായി ചീഫ്​ എക്​സിക്യൂട്ടിവ്​ ഡോ. ഇബ്രാഹിം ജനാഹി പറഞ്ഞു. 
പരിപാടിയുടെ ഉദ്ദേശ ലക്ഷ്യങ്ങളെ കുറിച്ച്​  ‘ക്വിക്​ മീഡിയ സൊല്യൂഷൻസ്​’ ബിസിനസ്​ ഡെവലപ്​മ​െൻറ്​ മാനേജർ ജേക്കബ്​ ജിജോ ഫിലിപ്​ വിശദീകരിച്ചു.