പ്രതിരോധ എക്​സിബിഷൻ  ഒക്​ടോബറിൽ

മനാമ: ബഹ്റൈൻ അന്താരാഷ്​ട്ര പ്രതിരോധ എക്​സിബിഷനും സമ്മേളനവും ഒക്​ടോബർ 16ന്​ തുടങ്ങും. ബഹ്​റൈൻ പ്രതിരോധ സേന (ബി.ഡി.എഫ്​) ആണ്​ മൂന്ന്​ ദിവസം നീളുന്ന പരിപാടി സംഘടിപ്പിക്കുന്നത്​. 

രാജാവ്​ ഹമദ്​ ബിൻ ഇൗസ ആൽ ഖലീഫയുടെ രക്ഷാകർതൃത്വത്തിൽ നടക്കുന്ന പ്രദർശനത്തിൽ നിരവധി രാജ്യങ്ങളുടെ പങ്കാളിത്തമുണ്ടാകും. ബഹ്​റൈൻ ഇൻറർനാഷണൽ എക്​സിബിഷൻ ആൻറ്​ കൺവെൻഷൻ സ​െൻററിലാണ്​ പ്രദർശനം നടക്കുകയെന്ന്​ ബി.ഡി.എഫ്​ കമാൻഡർ ഇൻ ചീഫ്​ ഫീൽഡ്​ മാർഷൽ ശൈഖ്​ ഖലീഫ ബിൻ അഹ്​മദ്​ ആൽ ഖലീഫ പറഞ്ഞു.പ്രതിരോധ രംഗത്തെ അത്യാധുനിക ഉപകരണങ്ങളും മറ്റും പ്രദർശനത്തിലുണ്ടാകും. 100ലധികം സ്​റ്റാളുകളുണ്ടാകുമെന്നാണ്​ കരുതുന്നത്​. ഇതി​​െൻറ ഭാഗമായി മറ്റിടങ്ങളിൽ പാരച്യൂട്ട്​ പ്രദർശനം, യുദ്ധക്കപ്പൽ പ്രദർശനം, സൈനിക വാഹന പ്രദർശനം തുടങ്ങിയവയും ഏർപ്പെടുത്തും.

മേഖലയിൽ തന്നെ ഏറ്റവും വലിയ പ്രതിരോധ പ്രദർശനമാണ്​ നടക്കാനിരിക്കുന്നതെന്ന്​ റോയൽ ഗാർഡ്​ കമാൻററും ഹൈകമ്മിറ്റി ചെയർമാനുമായ ബ്രിഗേഡിയർ ശൈഖ്​ നാസിർ ബിൻ ഹമദ്​ ആൽ ഖലീഫ പറഞ്ഞു. അത്യാധുനിക സാ​േങ്കതിക വിദ്യയുടെയും ഉപകരണങ്ങളുടെ പ്രദർശനത്തിൽ നിരവധി പേരെത്തുമെന്നാണ്​ കരുതുന്നത്​. ഭീകര വിരുദ്ധ പോരാട്ടത്തിൽ സജീവമായ എല്ലാ രാഷ്​ട്രങ്ങൾക്കും ഇൗ പരിപാടി ഉപകരിക്കുമെന്ന്​ അധികൃതർ പറഞ്ഞു. ടൂറിസം രംഗത്ത്​ ഉണർവുണ്ടാക്കുന്നതിനും പ്രദർശനം ഉപകരിക്കും.