അന്താരാഷ്​ട്ര പ്രതിരോധ  എക്​സിബിഷന്​ തുടക്കമായി

മനാമ: ബഹ്​റൈൻ അന്താരാഷ്​ട്ര പ്രതിരോധ എക്​സിബിഷനും സമ്മേളനത്തിനും (ബിഡെക്​^2017) സനാബിസിലെ എക്​സിബിഷൻ സ​െൻററിൽ തുടക്കമായി.  നാളെ വരെ തുടരുന്ന പരിപാടിയിൽ 60 രാഷ്​ട്രങ്ങളിൽ നിന്നായി 180ഒാളം സ്​ഥാപനങ്ങൾ പ​െങ്കടുക്കുന്നുണ്ട്​. പ്രദർശനത്തിൽ, കര, കടൽ, വ്യോമ പ്രതിരോധ രംഗങ്ങളിൽ ഉപയോഗിക്കുന്ന അത്യാധുനിക ഉപകരണങ്ങൾ ഒരുക്കിയിട്ടുണ്ട്​. ഇതോടനുബന്ധിച്ച്​ മേഖലയിലെയും ലോകത്തെയും സുരക്ഷ പ്രതിസന്ധികൾ ചർച്ച ചെയ്യുന്ന ‘മിഡിൽ ഇൗസ്​റ്റ്​ സൈനിക സഖ്യ സമ്മേളന’വും നടക്കുന്നുണ്ട്​. റോയൽ കമാൻഡർ ബ്രിഗേഡിയർ ശൈഖ്​ നാസിർ ബിൻ ഹമദ്​ ആൽ ഖലീഫയാണ്​ പരിപാടിയു​െട ഉദ്​ഘാടനം നിർവഹിച്ചത്​. തുടർന്ന്​ അദ്ദേഹം വിവിധ പവലിയനുകൾ സന്ദർശിച്ചു.

കിരീടാവകാശിയും ഒന്നാം ഉപപ്രധാമന്ത്രിയുമായ പ്രിൻസ്​ സൽമാൻ ബിൻ ഹമദ്​ ആൽ ഖലീഫ പ്രദർശനം സന്ദർശിച്ചു. ഭീകരതക്കെതിരായ മുന്നേറ്റങ്ങളിൽ ബഹ്​റൈൻ ശക്തമായി നിലയുറപ്പിക്കുമെന്ന സന്ദേശമാണ്​ ‘ബിഡെക്​’ നൽകുന്നതെന്ന്​ കിരീടാവകാശി പിന്നീട്​ പ്രസ്​താവനയിൽ പറഞ്ഞു. യമൻ ദൗത്യത്തിൽ സഖ്യസേനയിൽ ബി.ഡി.എഫ്​ സജീവ സാന്നിധ്യമാണ്​. മേഖലയുടെ സ്​ഥിരത ഉറപ്പാക്കാനും സൈനിക രംഗത്തെ മികവിനുമായി രാഷ്​ട്രീയ^സൈനിക ബന്ധങ്ങൾ ശക്തമാക്കാൻ ‘ബിഡെക്​’ പോലുള്ള വേദികൾ ഉപകരിക്കുമെന്നും അദ്ദേഹം കൂട്ടിച്ചേർത്തു.   പ്രദർശനത്തിനെത്തിയ കിരീടാവകാശിയെ ബി. ഡി.എഫ്​ കമാൻഡർ ഇൻ ചീഫ്​ ഫീൽഡ്​ മാർഷൽ ശൈഖ്​ ഖലീഫ ബിൻ അഹ്​മദ്​ ആൽ ഖലീഫ, ‘ബിഡെക്​’ സുപ്രീം ഒാർഗനൈസിങ്​ കമ്മിറ്റി ചെയർമാനും റോയൽ ഗാർഡ്​ കമാൻഡറുമായ ​ൈ​ശഖ്​ നാസിർ ബിൻ ഹമദ്​ ആൽ ഖലീഫ, റോയൽ ഗാർഡ്​സ്​ സ്​പെഷൽ ഫോഴ്​സ്​ കമാൻഡർ ശൈഖ്​ ഖാലിദ്​ ബിൻ ഹമദ്​ ആൽ ഖലീഫ, മുതിർന്ന ഉദ്യോഗസ്​ഥർ തുടങ്ങിയവർ ചേർന്ന്​ സ്വീകരിച്ചു. 

ബഹ്​റൈ​​െൻറ വൈവിധ്യ സ്വഭാവമുള്ള സമ്പദ്​വ്യവസ്​ഥയുടെയും അടിസ്​ഥാന സൗകര്യങ്ങളുടെയും സൗകര്യ പ്രദമായ വാണിജ്യ നിയമങ്ങളുടെയും പ്രതിഫലനമാണ്​ ‘ബി​​െഡക്​’ എന്ന്​ ശൈഖ്​ ഖലീഫ ബിൻ അഹ്​മദ്​ ആൽ ഖലീഫ പറഞ്ഞു. സൈനിക രംഗത്തെ പുരോഗതിക്കൊപ്പം മുന്നോട്ട്​പോകാൻ എന്നും ശ്രമം നടത്തിയ രാജ്യമാണ്​ ബഹ്​റൈൻ. രാജ്യത്തി​​െൻറ പ്രതിരോധ സംവിധാനങ്ങളെ ബലപ്പെടുത്തുന്നതിനും പരിപാടി ഉപകരിക്കുമെന്നും അദ്ദേഹം കൂട്ടിച്ചേർത്തു. രാജാവ്​ ഹമദ്​ ബിൻ ഇൗസ ആൽ ഖലീഫയുടെ രക്ഷാകർതൃത്വത്തിൽ നടക്കുന്ന പരിപാടിയിൽ നവീന പ്രതിരോധ ഉപകരണങ്ങളുടെ പ്രദർശനമാണ്​ നടക്കുന്നത്​. മിന സൽമാൻ പോർട്ട്, സാഖിർ നാഷണൽ ഗാർഡ്​ കേന്ദ്രം  എന്നിവിടങ്ങളിലും പ്രദർശനമുണ്ട്​. അറബ്​ സഖ്യസേനയുടെ പിന്തുണയോടെ നടത്തുന്ന സമ്മേളനത്തിൽ ‘നാറ്റോ’, യു. എൻ. സമാധാന സേന തുടങ്ങിയവരും ഇന്ത്യയിൽ നിന്നുൾപ്പെടെയുള്ള പ്രതിനിധികളും പ​െങ്കടുക്കുന്നുണ്ട്​.