‘സോപാനം’ കുടുംബസംഗമവും യാത്രയയപ്പും

മനാമ: സോപാനം വാദ്യകലാസംഘത്തി​​െൻറ കുടുംബ സംഗമവും യാത്രയയപ്പ് ചടങ്ങും ഇന്ത്യൻ സ്കൂളിൽ നടന്നു. ലീല മാരസ്യാർ ദീപം കൊളുത്തി ഉദ്​ഘാടനം ചെയ്തു. സന്തോഷ് കൈലാസ് അധ്യക്ഷനായിരുന്നു. എം.പി. രഘു മുഖ്യാതിഥിയായി പ​െങ്കടുത്തു.  
പരിപാടിയിൽ കഴിഞ്ഞ വർഷത്തെ ‘മേളോത്സവം’  കൺവീനറായിരുന്ന എം.പി. രഘുവിനെയും സോപാനത്തിലെ മുതിര്‍ന്ന കലാകാരൻമാരെയും ഉപഹാരം നല്‍കി ആദരിച്ചു. പ്രവാസം അവസാനിപ്പിച്ച് നാട്ടിലേക്ക് മടങ്ങുന്ന വിപിൻ ഗോവിന്ദനും, സുധീഷ് കിളവൻ പറമ്പിലിനും, പ്രദീപ് മണിമംഗലത്തിനും യാത്രയയപ്പും നൽകി. പരിപാടിയിൽ 300റോളം പേർ പങ്കെടുത്തു.