പിതാവി​െൻറ അനശ്വര ഗാനങ്ങൾ പാടി രാകേഷ്​ ബ്രഹ്​മാനന്ദൻ

മനാമ: കേരളീയ സമാജം നാദബ്രഹ്​മം മ്യൂസിക്​ ക്ലബി​​​െൻറ ഇൗ വർഷത്തെ പ്രവർത്തനോദ്​ഘാടനം പ്രസിഡൻറ്​ പി.വി.രാധാകൃഷ്​ണപിള്ള നിർവഹിച്ചു.സെക്രട്ടറി എൻ.കെ.വീരമണി, കലാവിഭാഗം സെക്രട്ടറി ശിവകുമാർ കൊല്ല​േറാത്ത്​, കൺവീനർ ശ്രീഹരി എന്നിവർ സംബന്ധിച്ചു. തുടർന്ന്​ നടന്ന സംഗീതസന്ധ്യക്ക്​ രാകേഷ്​ ബ്രഹ്​മാനന്ദൻ, സംഗീത പ്രഭു എന്നിവർ നേതൃത്വം നൽകി. മലയാള പിന്നണി ഗായകൻ ബ്രഹ്​മാനന്ദ​​​െൻറ പ്രശ്​സത ഗാനങ്ങൾ തൻമയത്വത്തോടെ അവതരിപ്പിച്ചു. ‘നീല നിശീധിനീ..’, ‘മാനത്തെകായലിൽ’, ‘താരക രൂപിണി’, ‘പ്രിയമുള്ളവളെ’, തുടങ്ങിയ ഗാനങ്ങൾ ഏറെ ഹൃദ്യമായിരുന്നു.

പുതിയ പാട്ടുകളും ഗാനമേളയിൽ ഉൾപ്പെടുത്തി. പവിത്ര പത്മകുമാർ, റോഷ്​നി റെജി, രമ്യ പ്രമോദ്​, ശ്രീജിത്ത്​ ഫറൂഖ്​ തുടങ്ങിയവരും പാടി. മനോജ്​ വടകരയുടെ നേതൃത്വത്തിലാണ്​ ഒാർക്കസ്​ട്രേഷൻ ഒരുക്കിയത്​.   ഇൗ വർഷം നാദബ്രഹ്​മം ക്ലബി​​​െൻറ ​പ്രവർത്തനങ്ങൾ വഴി സമാഹരിക്കുന്ന തുക നാട്ടിൽ നിർധന കുടുംബത്തിന്​ വീടുവെച്ചുനൽകാൻ ഉപയോഗപ്പെടുത്തുമെന്ന്​ ഭാരവാഹികൾ പറഞ്ഞു. ബിജു.എം.സതീഷ്​, രമ്യ പ്രമോദ്​ എന്നിവർ പരിപാടി നിയന്ത്രിച്ചു.