തണലും തണുപ്പും  നൽകി സമാജം വളപ്പിലെ ‘പച്ചക്കുടകൾ’

മനാമ: പരിസ്ഥിതിക്ക്​ താങ്ങാകാൻ ഇൗ വരണ്ടഭൂമിയിൽ  വൃക്ഷങ്ങളും കാഴ്​ചക്ക്​ ഭംഗി നൽകാൻ ആവോളം പൂച്ചെടികളും വച്ചുപിടിപ്പിച്ചിട്ടുണ്ട്​ ബഹ്​​ൈറൻ കേരളീയ സമാജം വളപ്പിൽ. നിലവിൽ ഇരുപതോളം കാണിക്കൊന്നകളുണ്ട് ഇവിടെയുള്ള തോട്ടത്തിൽ. അതിലൊന്ന്​ കഴിഞ്ഞ വിഷുവിന്​ മലരണിഞ്ഞിരുന്നു. ബട്ടർ ഫ്രൂട്ട്, മുരിങ്ങ, ആര്യവേപ്പ്, ചെമ്പകം, ഗുൽമോഹർ എന്നിവയും റോസത്തോട്ടവും ഉണ്ട്. കൂടാതെ എല്ലാവർഷവും നമാന്തി.

സീനിയ പിന്നെ പച്ചക്കറികൾ എന്നിവ ചെയ്യാറുണ്ട്. ഇന്ന്​  നാലുമണിക്ക് പരിസ്ഥിതി ദിനാചരണത്തി​​​െൻറ ഭാഗമായി അത്തി, വാക, ചാമ്പ, ചെമ്പകം തുടങ്ങിയവ കേരളീയം സമാജം ഗാർഡൻ ക്ലബി​​​െൻറ നേതൃത്വത്തിൽ  നടും.ഇവിടെ ഗാർഡൻ ക്ലബ്​ കഴിഞ്ഞ എട്ട്​ വർഷമായി സജീവമാണ്​.

നിലവിലെ ഭരണസമിതിയിലെ അസിസ്​റ്റൻറ്​ ജനറൽ സെക്രട്ടറിയായ ടി.ജെ ഗിരീഷി​​​െൻറ നേതൃത്വത്തിലാണ്​   ഗാർഡൻ ക്ലബ് പ്രവർത്തിക്കുന്നത്.   14 പേരടങ്ങുന്ന ഒരു സബ് കമ്മറ്റിയും ക്ലബ്ബിനുണ്ട്. കൂടാതെ സമാജം ജീവനക്കാരായ മുസ്​തഫ, പ്രദീപ്, സക്കറിയ തുടങ്ങിയവരാണ്  തോട്ടം  ഭംഗിയായും വൃത്തിയായും സംരക്ഷിക്കുന്നത്.