ശ​മ്പ​ളം ത​രാ​തെ തൊ​ഴി​ലു​ട​മ ഭീ​ഷ​ണി​​പ്പെ​ടു​ത്തി​യാ​ൽ

ബഹ്റൈനിലെ തൊഴിൽ നിയമങ്ങൾ എന്തൊക്കെയാണെന്നത് ഓരോ വിദേശ തൊഴിലാളിയും നിർബന്ധമായും അറിഞ്ഞിരിക്കേണ്ടതാണ്. ഇത് അറിയാത്തതുകൊണ്ടാണ് പല വഞ്ചനകളിലും പ്രയാസങ്ങളിലും പ്രവാസി തൊഴിലാളികൾ അകപ്പെടുന്നത്. അടിസ്​ഥാനപരമായി തൊഴിലാളികൾ അറിഞ്ഞിരിക്കേണ്ട നിയമങ്ങളെക്കുറിച്ച പംക്തിയാണിത്. പ്രവാസികളുടെ സംശയങ്ങൾക്കുള്ള മറുപടിയും പംക്തിയിലൂടെ ലഭ്യമാകും. bahrain@gulfmadhyamam.net എന്ന വിലാസത്തിലോ 39203865 വാട്​സാപ്​ നമ്പറിലോ സംശയങ്ങൾ അയക്കാം. ഇ​വി​ടെ ന​ൽ​കു​ന്ന വി​വ​ര​ങ്ങ​ൾ നി​യ​മോ​പ​ദേ​ശ​മാ​യി ക​ണ​ക്കാ​ക്ക​രു​ത്. വ്യ​ക്​​ത​മാ​യ നി​യ​മോ​പ​ദേ​ശം ല​ഭി​ക്കാ​ൻ ഒ​രു ബ​ഹ്​​റൈ​നി അ​ഭി​ഭാ​ഷ​ക​നെ സ​മീ​പി​ക്ക​ണം

ഞാ​ൻ ഒ​രു റ​സ്റ്റാ​റ​ന്റി​ൽ ജോ​ലി ചെ​യ്യു​ക​യാ​യി​രു​ന്നു. ഡ്യൂ​ട്ടി സ​മ​യ​ത്ത് ഒ​രു ചാ​ക്ക് പി​ടി​ച്ചു​വെ​ക്കു​ന്ന​തി​നി​ടെ അ​ത് പൊ​ട്ടി​യ കാ​ര​ണം പ​റ​ഞ്ഞ് തൊ​ഴി​ലു​ട​മ എ​ന്നെ പ​റ​ഞ്ഞു​വി​ട്ടു. ഒ​രു മാ​സ​മേ ഞാ​ൻ അ​വി​ടെ ജോ​ലി ചെ​യ്തു​ള്ളു. എ​ന്റെ വി​സ കാ​ന്റീ​ൻ ഹെ​ൽ​പ​ർ എ​ന്ന​താ​ണ്. വേ​റൊ​രു ഷോ​പ്പി​ൽ ജോ​ലി ചെ​യ്യാ​ൻ ശ്ര​മി​ക്കു​ക​യാ​ണ് ഇ​പ്പോ​ൾ. വി​സ മാ​റാ​ൻ ര​ണ്ടാ​ഴ്ച എ​ടു​ക്കും. പ​ക്ഷേ, എ​ന്റെ പാ​സ്‌​പോ​ർ​ട്ട് പ​ഴ​യ തൊ​ഴി​ലു​ട​മ​യു​ടെ കൈ​യി​ലാ​ണ്. ശ​മ്പ​ളം 300 ദീ​നാ​ർ കി​ട്ടാ​നു​ണ്ട്. വി​സ മാ​റു​ന്ന​തി​​നെ​പ്പ​റ്റി പ​റ​ഞ്ഞ​പ്പോ​ൾ അ​യാ​ൾ ഭീ​ഷ​ണി​പ്പെ​ടു​ത്തു​ക​യാ​ണ്. ഞാ​ൻ ഇ​നി എ​ന്താ​ണ് ചെ​യ്യേ​ണ്ട​ത്- റി​യാ​സ്

താ​ങ്ക​ൾ ഉ​ട​ൻ​ത​ന്നെ എ​ൽ.​എം. ആ​ർ.​എ​യു​ടെ സെ​ഹ​ല​യി​ലെ ഓ​ഫി​സി​ൽ പ​രാ​തി ന​ൽ​ക​ണം. എ​ൽ.​എം.​ആ​ർ.​എ അ​ധി​കൃ​ത​ർ ഇ​തി​നു​ള്ള പ​രി​ഹാ​രം പ​റ​ഞ്ഞു ത​രും. എ​ൽ.​എം.​ആ​ർ.​എ​യി​ൽ പോ​കു​മ്പോ​ൾ സി.​പി.​ആ​ർ, പാ​സ്​​പോ​ർ​ട്ടി​ന്റെ കോ​പ്പി, തൊ​ഴി​ൽ ക​രാ​ർ, തൊ​ഴി​ലു​ട​മ​യു​ടെ സി.​ആ​റി​ന്റെ കോ​പ്പി എ​ന്നി​വ കൊ​ണ്ടു​പോ​ക​ണം. പ​രാ​തി അ​റ​ബി ഭാ​ഷ​യി​ൽ എ​ഴു​തി​ക്കൊ​ണ്ടു പോ​യാ​ൽ ന​ല്ല​താ​ണ്. അ​ല്ലെ​ങ്കി​ൽ പ​രാ​തി അ​വി​ടെ പ​റ​ഞ്ഞാ​ലും മ​തി.

ഇ​വി​ട​ത്തെ നി​യ​മ​പ്ര​കാ​രം അ​വ​ര​വ​രു​ടെ പാ​സ്​​പോ​ർ​ട്ട് അ​വ​ര​വ​ർ ത​ന്നെ​യാ​ണ് സൂ​ക്ഷി​ക്കേ​ണ്ട​ത്. അ​ഥ​വാ തൊ​ഴി​ലു​ട​മ​യു​ടെ കൈ​യി​ൽ എ​ന്തെ​ങ്കി​ലും കാ​ര്യ​ത്തി​ന് പാ​സ്​​പോ​ർ​ട്ട് ന​ൽ​കു​ക​യാ​ണെ​ങ്കി​ൽ, അ​ങ്ങ​നെ ന​ൽ​കി എ​ന്ന​തി​ന്റെ രേ​ഖ തൊ​ഴി​ലു​ട​മ​യു​ടെ കൈ​യി​ൽ​നി​ന്ന് വാ​ങ്ങ​ണം.

പു​തി​യ ജോ​ലി​ക്ക് പോ​കു​ന്ന​ത് പു​തി​യ തൊ​ഴി​ലു​ട​മ, താ​ങ്ക​ൾ​ക്ക് തൊ​ഴി​ൽ വി​സ എ​ടു​ത്ത​ശേ​ഷം മാ​ത്രം മ​തി. അ​തു​പോ​ലെ ഒ​രു തൊ​ഴി​ലു​ട​മ​യു​ടെ കൂ​ടെ കു​റ​ഞ്ഞ​ത് ഒ​രു വ​ർ​ഷം ജോ​ലി ചെ​യ്താ​ൽ മാ​ത്ര​മേ മൊ​ബി​ലി​റ്റി പ്ര​കാ​രം ജോ​ലി മാ​റാ​ൻ സാ​ധി​ക്കു​ക​യു​ള്ളു.

അ​ല്ലെ​ങ്കി​ൽ നി​ല​വി​ലു​ള്ള തൊ​ഴി​ലു​ട​മ നോ ​ഒ​ബ്ജ​ക്ഷ​ൻ ഓ​ൺ​ലൈ​ൻ മു​ഖേ​ന​യോ രേ​ഖാ​മൂ​ല​മോ ന​ൽ​ക​ണം. ഇ​തി​നെ​പ്പ​റ്റി​യു​ള്ള കൂ​ടു​ത​ൽ കാ​ര്യ​ങ്ങ​ൾ എ​ൽ.​എം.​ആ​ർ.​എ​യി​ൽ​നി​ന്ന് ല​ഭി​ക്കും.