ഇ​ല​ക്ട്രോ​ണി​ക് പു​ക​വ​ലി ഉ​പ​ക​ര​ണം നി​രോ​ധി​ക്ക​ണം; ആ​വ​ശ്യം ശ​ക്ത​മാ​ക്കാ​നൊ​രു​ങ്ങി എം.​പി​മാ​ർ

മ​നാ​മ: ബ​ഹ്‌​റൈ​നി​ൽ ഇ​ല​ക്ട്രോ​ണി​ക് പു​ക​വ​ലി ഉ​പ​ക​ര​ണ​ങ്ങ​ളു​ടെ വി​ൽ​പ​ന​യും വി​ത​ര​ണ​വും നി​രോ​ധി​ക്കാ​നു​ള്ള പു​തി​യ നി​യ​മ​ത്തി​ന് ആ​വ​ശ്യം ശ​ക്ത​മാ​ക്കാ​നൊ​രു​ങ്ങി എം.​പി​മാ​ർ. യു​വാ​ക്ക​ളെ​യും കു​ട്ടി​ക​ളെ​യും ഈ ​ഉ​ൽ​പ​ന്ന​ങ്ങ​ളു​ടെ അ​പ​ക​ട​ങ്ങ​ളി​ൽ​നി​ന്ന് സം​ര​ക്ഷി​ക്കു​ക ല​ക്ഷ്യ​മി​ട്ടാ​ണി​തെ​ന്ന് എം.​പി ജ​ലാ​ൽ കാ​സിം അ​ൽ മ​ഹ്ഫൂ​ദ് വെ​ളി​പ്പെ​ടു​ത്തി. അ​ടു​ത്ത പാ​ർ​ല​മെൻറ് സെ​ഷ​നി​ൽ ഈ ​ക​ര​ട് നി​യ​മം ച​ർ​ച്ച ചെ​യ്യും.വ​ർ​ധി​ക്കു​ന്ന ആ​രോ​ഗ്യ​പ്ര​ശ്ന​ങ്ങ​ളെ, പ്ര​ത്യേ​കി​ച്ച് കു​ട്ടി​ക​ളി​ലും കൗ​മാ​ര​ക്കാ​രി​ലും ഈ ​ഉ​ൽ​പ​ന്ന​ങ്ങ​ൾ ഉ​ണ്ടാ​ക്കു​ന്ന ആ​ഘാ​ത​ങ്ങ​ളെ ഇ​ത് അ​ഭി​സം​ബോ​ധ​ന ചെ​യ്യും. ആ​ക​ർ​ഷ​ക​മാ​യ ഫ്ലേ​വ​റു​ക​ളും സോ​ഷ്യ​ൽ മീ​ഡി​യ വ​ഴി​യു​ള്ള പ്ര​ചാ​ര​ണ​ങ്ങ​ളും ഈ ​ഉ​ൽ​പ​ന്ന​ങ്ങ​ളെ യു​വാ​ക്ക​ൾ​ക്കി​ട​യി​ൽ വ​ള​രെ പ്ര​ചാ​ര​മു​ള്ള​താ​ക്കി മാ​റ്റി​യെ​ന്നും പ​ര​മ്പ​രാ​ഗ​ത സി​ഗ​ര​റ്റു​ക​ൾ​ക്ക് സു​ര​ക്ഷി​ത​മാ​യ ബ​ദ​ലാ​ണി​തെ​ന്ന തെ​റ്റി​ദ്ധാ​ര​ണ സൃ​ഷ്ടി​ച്ചു​വെ​ന്നും അ​ൽ-​മ​ഹ്ഫൂ​ദ് ചൂ​ണ്ടി​ക്കാ​ട്ടി.

മ​റ്റ് പ​ല രാ​ജ്യ​ങ്ങ​ളെ​യും പോ​ലെ ബ​ഹ്‌​റൈ​നി​ലും കൗ​മാ​ര​ക്കാ​ർ​ക്കി​ട​യി​ൽ ഇ​ത്ത​ര​ത്തി​ലു​ള്ള ല​ഹ​രി ഉ​പ​യോ​ഗം കു​ത്ത​നെ വ​ർ​ധി​ച്ചു. ഇ​ത് ര​ക്ഷി​താ​ക്ക​ൾ​ക്കും വി​ദ​ഗ്ധ​ർ​ക്കു​മി​ട‍യി​ൽ ഗു​രു​ത​ര​മാ​യ ആ​രോ​ഗ്യ-​സാ​മൂ​ഹി​ക ആ​ശ​ങ്ക​ക​ൾ ഉ​യ​ർ​ത്തു​ന്നു​ണ്ട്.ഇ-​ഷീ​ഷ​ക​ളി​ൽ ശ്വാ​സ​കോ​ശ​ത്തി​നും പ്ര​തി​രോ​ധ​ശേ​ഷി​ക്കും ദോ​ഷ​ക​ര​മാ​യ രാ​സ​വ​സ്തു​ക്ക​ൾ അ​ട​ങ്ങി​യി​ട്ടു​ണ്ടെ​ന്നും അ​ൽ-​മ​ഹ്ഫൂ​ദ് ചൂ​ണ്ടി​ക്കാ​ട്ടി. പ്ര​ത്യേ​കി​ച്ച് വ​ള​ർ​ന്നു​വ​രു​ന്ന കു​ട്ടി​ക​ളു​ടെ ശ​രീ​ര​ത്തി​ൽ ഇ​ത് വ​ലി​യ സ്വാ​ധീ​നം ചെ​ലു​ത്തു​മെ​ന്നും അ​ദ്ദേ​ഹം സൂ​ചി​പ്പി​ച്ചു. ഇ-​സി​ഗ​ര​റ്റു​ക​ളു​ടെ വി​ൽ​പ​ന നി​രോ​ധി​ക്കു​ക​യും ക​ർ​ശ​ന​മാ​യി നി​രീ​ക്ഷി​ക്കു​ക​യും ചെ​യ്യേ​ണ്ട​തി​ന്റെ പ്രാ​ധാ​ന്യ​വും അ​ൽ-​മ​ഹ്ഫൂ​ദ് ഊ​ന്നി​പ്പ​റ​ഞ്ഞു.

മ​റ്റ് രാ​ജ്യ​ങ്ങ​ളി​ൽ നി​ല​നി​ൽ​ക്കു​ന്ന ഇ-​സി​ഗ​ര​റ്റ് നി​രോ​ധ​ന​ങ്ങ​ളി​ൽ​നി​ന്ന് മാ​ർ​ഗ​ങ്ങ​ൾ പ​ഠി​ക്കാ​നും അ​ദ്ദേ​ഹം നി​ർ​ദേ​ശി​ച്ചുനി​യ​മ​നി​ർ​മാ​ണ ന​ട​പ​ടി​ക​ൾ​ക്കു​പു​റ​മെ, ഇ​ല​ക്ട്രോ​ണി​ക് പു​ക​വ​ലി ഉ​പ​ക​ര​ണ​ങ്ങ​ളു​ടെ അ​പ​ക​ട​ങ്ങ​ളെ​ക്കു​റി​ച്ച് അ​വ​ബോ​ധം വ​ള​ർ​ത്താ​ൻ ആ​രോ​ഗ്യ അ​ധി​കാ​രി​ക​ളോ​ടും സ്കൂ​ളു​ക​ളോ​ടും എം.​പി അ​ഭ്യ​ർ​ഥി​ച്ചു.പ്ര​തി​രോ​ധം ആ​രം​ഭി​ക്കു​ന്ന​ത് വി​ദ്യാ​ഭ്യാ​സ​ത്തി​ലൂ​ടെ​യും കു​ടും​ബ​ത്തി​ൽ നി​ന്നു​മാ​ണെ​ന്ന് അ​ദ്ദേ​ഹം ഊ​ന്നി​പ്പ​റ​ഞ്ഞു. ഓ​ൺ​ലൈ​ൻ പ്ര​ചാ​ര​ണം നി​രോ​ധി​ക്കു​ക, വി​ൽ​പ​ന കേ​ന്ദ്ര​ങ്ങ​ൾ നി​യ​ന്ത്രി​ക്കു​ക, യു​വാ​ക്ക​ളെ ല​ക്ഷ്യ​മി​ട്ടു​ള്ള പ്ര​ചാ​ര​ണ​ങ്ങ​ൾ ആ​രം​ഭി​ക്കു​ക എ​ന്നി​വ​യു​ൾ​പ്പെ​ടെ​യു​ള്ള ക​ർ​ശ​ന​മാ​യ നി​യ​മ​ങ്ങ​ൾ​ക്കാ​യി സി​വി​ൽ സൊ​സൈ​റ്റി സം​ഘ​ട​ന​ക​ളും രം​ഗ​ത്തെ​ത്തി​യി​ട്ടു​ണ്ട്.