ഈദ് അവധി: യാത്ര സുഗമമാക്കാന്‍ സംവിധാനങ്ങളേര്‍പ്പെടുത്തി 

മനാമ: ഈദ്​ അവധി ദിനങ്ങളില്‍ യാത്ര സുഗമമാക്കുന്നതിന് നടപടികള്‍ സ്വീകരിച്ചതായി നാഷണാലിറ്റി, പാസ്പോര്‍ട്ട് ആൻറ്​ റെസിഡൻറ്​സ്​ അഫയേഴ്​സ്​ അതോറിറ്റി വ്യക്തമാക്കി. അവധി ദിനങ്ങള്‍ ചെലവഴിക്കുന്നതിന് ബഹ്റൈനിലേക്ക് വരുന്നവര്‍ക്കും ബഹ്റൈനില്‍ നിന്ന് മറ്റ് രാജ്യങ്ങളിലേക്ക് പോകുന്നവര്‍ക്കും യാത്രാ നടപടികള്‍ വേഗത്തിലാക്കുന്നതിനുള്ള സംവിധാനമാണ് ഏര്‍പ്പെടുത്തിയിട്ടുള്ളത്.
 തിരക്ക് കുറക്കുന്നതിനും എളുപ്പത്തിലും വേഗത്തിലും അതിര്‍ത്തികളില്‍ രേഖകള്‍ ശരിയാക്കുന്നതിനും ബന്ധപ്പെട്ടവര്‍ക്ക് നിര്‍ദേശം നല്‍കിയിണ്ട്. കിങ് ഫഹദ് കോസ്​വേയില്‍ അധിക യാത്രക്കാരെ ഉള്‍ക്കൊള്ളുന്നതിനുള്ള സംവിധാനം ഏര്‍പ്പെടുത്തിയിട്ടുണ്ടെന്നും അധികൃതര്‍ അറിയിച്ചു.