രാജ്യം ബലിപ്പെരുന്നാൾ ആഘോഷിച്ചു

മനാമ: രാജ്യം ബലിപ്പെരുന്നാൾ ആഘോഷിച്ചു.  സുന്നി ഒൗഖാഫി​​​െൻറ നേതൃത്വത്തിൽ ഇൗദ്​ ഗാഹുകളും വിവിധ മസ്​ജിദുകളിൽ വലിയ പെരുന്നാൾ നമസ്​കാരവും നടന്നു. വിശ്വാസികൾ പുതുവസ്​ത്രങ്ങളുമായി അതിരാവിലെ ഇൗദ്​ഗാഹുകളിലേക്കും മസ്​ജിദുകളിലേക്കും ഒഴുകിയെത്തി. നമസ്​കാരത്തിനുശേഷം പരസ്​പരം ഇൗദ്​ ആശംസകൾ കൈമാറിയും ആലിംഗനം ചെയ്​തും സൗഹൃദം പങ്കുവെച്ചു. സ്വദേശികൾ സ്വന്തം വീടുകളിലെ ആഘോഷത്തിന്​ ബന്​ധുക്കളെ ക്ഷണിച്ചും ബന്​ധുവീടുകൾ സന്ദർശിച്ചും ​പെരുന്നാൾ ആഘോഷം നടത്തി. പ്രവാസി സമൂഹവും ഹൃദ്യമായി പെരുന്നാൾ ആഘോഷത്തിൽ പങ്കുചേർന്നു. മലയാളികൾക്ക്​ നാടി​​​െൻറ പ്രളയ ബാധയെ കുറിച്ചുള്ള വേദന പെരുന്നാൾ ആഘോഷത്തി​​​െൻറ പകിട്ട്​ കുറച്ചു. മലയാളികള​ുടെ ഇൗദ്​ ഗാഹുകളിൽ കേരളത്തി​​​െൻറ പ്രളയക്കെടുതി ബാധിച്ച ജനസമൂഹത്തിനായുള്ള പ്രാർഥനയും അവർക്കായുള്ള സഹായങ്ങളെ കുറിച്ചുള്ള ആഹ്വാനവും ഉണ്ടായിരുന്നു. പെരുന്നാൾ ദിനങ്ങളിലെ അവധി ഇത്തവണ കഴിഞ്ഞ തിങ്കളാഴ്​ച മുതൽ ആരംഭിച്ചിരുന്നു. അറഫദിനം മുതൽ ആഗസ്​റ്റ്​ 23 വരെയുള്ള നാല്​ ദിനങ്ങളിലായാണ്​ അവധി പ്രഖ്യാപിക്കപ്പെട്ടത്​.  രാജ്യത്തെ സര്‍ക്കാര്‍ ഓഫീസുകളും മന്ത്രാലയങ്ങളും ഇതു പ്രകാരം അവധിയായിരിക്കും. അവധിക്ക് ശേഷമുള്ള തൊട്ടടുത്ത രണ്ട് ദിവസം വാരാന്ത്യ അവധി ദിനമായതിനാല്‍ പെരുന്നാള്‍ അവധി നാട്ടില്‍ ചെലവഴിക്കാനുദ്ദേശിക്കുന്നവര്‍ക്ക് സൗകര്യമാകും.