ഈദുൽ ഫിത്വർ: 281 തടവുകാർക്ക് ഹമദ് രാജാവ് മാപ്പ്​ നൽകി

മനാമ: വിവിധ കേസുകളിൽ ശിക്ഷിക്കപ്പെട്ട് ശിക്ഷയുടെ ഒരു ഭാഗം അനുഭവിച്ച 281 തടവുകാർക്ക് രാജാവ് ഹമദ് ബിൻ ഈസ ആൽ ഖലീഫ മാപ്പുനൽകി.

ഈദുൽ ഫിത്വറിനോടനുബന്ധിച്ചാണ് രാജാവ് ഉത്തരവ് പുറപ്പെടുവിച്ചത്. ഇവരെ വിട്ടയക്കും. സാധാരണ ജീവിതം നയിക്കാനും രാജ്യത്തിന്‍റെ വികസനത്തിന്​ സംഭാവനകൾ നൽകാനുമുള്ള അവസരം നൽകുന്നതിന്‍റെ ഭാഗമായാണ്​ മാപ്പ്​ നൽകുന്നത്​.