ഇൗസ ടൗണിലെ ഗതാഗത കുരുക്ക്​ തീർക്കാൻ സത്വര നടപടി വേണമെന്ന്​

മനാമ: ഇൗസ ടൗൺ മേഖലയിലെ സ്​കൂളുകളിലും മറ്റ്​ വിദ്യാഭ്യാസ സ്​ഥാപനങ്ങളിലും പ്രവേശനം നൽകാവുന്ന വിദ്യാർഥികളുടെ എണ്ണത്തിന്​ പരിധി നിർണയിക്കുന്ന നിർദേശത്തിന്​ സതേൺ മുനിസിപ്പൽ കൗൺസിൽ അംഗീകാരം നൽകിയതായി റിപ്പോർട്ട്.ഇൗ മേഖലയിൽ നിന്ന്​ ബഹ്​റൈൻ പോളിടെക്​നിക്​, ബഹ്​റൈൻ ടെക്​നിക്കൽ ഇൻസ്​റ്റിറ്റ്യൂട്ട്​ എന്നിവ മാറ്റണമെന്നും മുനിസിപ്പാലിറ്റി ആവശ്യപ്പെടുന്നു.

ഇവിടുത്തെ ഗതാഗത കുരുക്ക്​ തീർക്കാനുള്ള പരിഹാര നടപടിയെന്ന നിലക്കാണ്​ ഇൗ നിർദേശങ്ങൾ ഉയർന്നത്​.ഇവിടെ 10 സ്​കൂളുകളാണ്​ പ്രവർത്തിക്കുന്നത്​. പുറമെ, വിദ്യാഭ്യാസ മന്ത്രാലയം, ഇൻഫർമേഷൻ മന്ത്രാലയം, ഇൻഫർമേഷൻ ആൻറ്​ ഇ^ഗവൺമ​​െൻറ്​ അതോറിറ്റി തുടങ്ങിയ നിരവധി സർക്കാർ ഒാഫിസുകളും പ്രവർത്തിക്കുന്നുണ്ട്​. ഗതാഗത കുരുക്ക്​ പരിഹരിക്കാൻ 2022ഒാടെ ഇൗ​ പ്രദേശത്ത്​ രണ്ട്​ ഫ്ലൈഒാവറുകൾ നിർമിക്കണമെന്നും കൗൺസിൽ ചെയർമാൻ അഹ്​മദ്​ അൽ അൻസാരി ആവശ്യപ്പെട്ടു.

കഴിഞ്ഞ ദിവസം നടന്ന കൗൺസിൽ​ യോഗത്തിലാണ്​ അദ്ദേഹം ഇക്കാര്യം ആവശ്യപ്പെട്ടത്​. സ്​കൂളിൽ കുട്ടികളുമായി വരുന്ന രക്ഷിതാക്കളുടെ തിരക്കും യൂനിവേഴ്​സിറ്റിയിലേക്ക്​ വിദ്യാർഥികൾ തന്നെ വാഹനമോടിച്ച്​ വരുന്നതുമെല്ലാം കാരണം പ്രദേശത്ത്​ തിരക്ക്​ കുറയാൻ യാതൊരു സാധ്യതയുമില്ല. ഇൗ സാഹചര്യത്തിലാണ്​ സ്​കൂളുകളും മറ്റും വിദ്യാർഥികളുടെ എണ്ണം നിജപ്പെടുത്തുന്നത്​ പരി​ഗണിക്കേണ്ടത്​.ചില സ്​ഥാപനങ്ങൾ സാഖിറിലേക്ക്​ മാറ്റുന്നതും പരിഗണിക്കേണ്ടതാണെന്ന്​ അദ്ദേഹം പറഞ്ഞു.

സേക്രഡ്​ ഹാർട്​ സ്​കൂളിനും ശൈഖ്​ അബ്​ദുല്ല ടെക്​നിക്കൽ സെക്കൻററി സ്​കൂൾ ഫോർ ബോയ്​സിനുമിടയിലൂടെ കടന്നുപോകുന്ന നാലുവരി റോഡി​​​െൻറ ജോലികൾ തുടങ്ങിയിട്ടുണ്ട്​. എന്നാൽ, ഇൗ റോഡുകൊണ്ടുമാത്രം ഇവി​ടുത്തെ ഗതാഗതകുരുക്ക്​ തീരില്ലെന്ന്​ അൽ അൻസാരി അഭിപ്രായപ്പെട്ടു