സംയുക്ത നാവിക സേന ഇതുവരെ പിടികൂടിയത്​ 1.84 ബില്ല്യൺ ഡോളറി​െൻറ  മയക്കുമരുന്ന്​ 

മനാമ: ബഹ്​റൈൻ കേന്ദ്രമായി പ്രവർത്തിക്കുന്ന സംയുക്ത നാവിക സേനയുടെ നേതൃത്വത്തിൽ ഇതുവരെ 1.84 ബില്ല്യൺ ഡോളറി​​െൻറ  മയക്കുമരുന്ന്​ പിടികൂടിയതായി വിവരം. 2002ലാണ്​ സംയുക്ത നാവിക സേനക്ക്​ (ക​​മ്പയ്​ൻഡ്​ മാരിടൈം ഫോഴ്​സസ്​^സി.എം.എഫ്) തുടക്കമിടുന്നത്​. ഇതിൽ 32 നാവിക സേനകൾ അംഗങ്ങളാണ്​. ചെങ്കടൽ, അറേബ്യൻ ഉൾക്കടൽ, ഇൗഡൻ ഉൾക്കടൽ, അറബിക്കടൽ, ഇന്ത്യൻ മഹാസമുദ്രം എന്നിവിടങ്ങളിലാണ്​ ഇവരുടെ സേവനം ലഭ്യമാക്കുന്നത്​. ഭീകര വിരുദ്ധമുന്നേറ്റം, കള്ളക്കടത്ത്​ തടയൽ, സുരക്ഷിത  കടൽ പാതയൊരുക്കൽ തുടങ്ങിയ കാര്യങ്ങളിലാണ്​ സേന ശ്രദ്ധ ചെലുത്തുന്നത്​. 
കഴിഞ്ഞ ദിവസം യു.എസ്​. അഞ്ചാം കപ്പൽപടയുടെ കമാൻഡർ വൈസ്​ അഡ്​മിറൽ കെവിൻ ഡോനിഗൻ പുതിയ വൈസ്​ അഡ്​മിറൽ ജോൺ അക്വിലിനോക്ക്​ പദവി കൈമാറുന്ന ചടങ്ങിലാണ്​ മയക്കുമരുന്ന്​ വേട്ടയുടെ വിവരങ്ങൾ വെളിപ്പെടുത്തിയത്​.ചടങ്ങിൽ പ്രധാനമന്ത്രി പ്രിൻസ്​ ഖലീഫ ബിൻ സൽമാൻ ആൽ ഖലീഫയെ പ്രതിനിധീകരിച്ച്​ ശൈഖ്​ ഖലീഫ ബിൻ റാഷിദ്​ ആൽ ഖലീഫ, ശൈഖ്​ ഇൗസ ബിൻ അലി ആൽ ഖലീഫ എന്നിവർ പ​െങ്കടുത്തു. ബഹ്​റൈനിലെ യു.എസ്​. നാവിക സേന ​സെൻട്രൽ കമാൻറിന്​ ​ഇറാഖിലെയും സിറിയയിലെയും ​െഎ.എസ്​.വിരുദ്ധ നടപടികളിൽ നിർണായക സ്​ഥാനമുണ്ടെന്ന്​ ചടങ്ങിൽ സംസാരിച്ച ജനറൽ വോട്ടൽ പറഞ്ഞു.